Foto: Pexels.com
Qarjy monitoringi agenttigi (QMA) biylǵy jyly 20 milliard teńgege jýyq shyǵyn keltirgen qarjy piramidalaryn qurý jáne basqarý boiynsha 57 qylmystyq isti tergep-teksergenin málimdedi. 12 milliard teńgeden astam qarajat memleketke qaitarylǵan, dep habarlaidy Ult.kz.
«Qarjy piramidalaryna qarsy is-qimyl» arnaiy jobasy aiasynda alaiaqtyq jobalardyń jumys merzimin qysqartý jáne salymshylar sanyn azaitý maqsatynda tergeý is-sharalary júrgizildi. Mysaly, Almatyda HitBeatMusic qarjy piramidasyn qurý jáne basqarý boiynsha sotqa deiingi tergeý aiaqtalyp, 255 million teńge zalal keltirilgeni anyqtalǵan. Sot sheshimimen kináliler 5-6 jylǵa bas bostandyǵynan aiyryldy.
Agenttik áleýmettik jelilerdi baqylap, qarjy piramidasynyń belgileri bar 10,5 myńnan astam siltemeni buǵattaǵan. WhatsApp, Telegram, jáne Instagram platformalaryndaǵy 292 chat jabylǵan. Bul sharalar arqyly 2 millionnan astam áleýetti salymshylardyń qarjylyq shyǵyndarynyń aldyn alýǵa múmkindik týdy.
Agenttik qarjy piramidasyna qatysty máseleler boiynsha azamattardy Ekonomikalyq tergep-tekserý departamentine habarlasýǵa shaqyrady. Sonymen qatar, kúmándi jobalardy tekserýge múmkindik beretin arnaiy telegram-bot iske qosylǵan.
