Qazaqstanda qarjy piramidalarynyń qyzmetin jarnamalaityn saittardy buǵattaý tetigi ázirlendi. Nátijesinde 3 myńnan asa sait buǵattaýǵa jiberildi, - dep habarlaidy "Ult aqparat" QMA baspasóz qyzmetine silteme jasap.
"Analitikalyq quraldardy keńinen qoldaný arqyly «jazalaýshy» postfaktorlyq ádisten profilaktikalyq ádiske kóshý júzege asyryldy. Qoldanystaǵy zańnamaǵa qarjy piramidalaryn jarnamalaǵany úshin qylmystyq jaýapkershilik engizildi. Sondai-aq, qarjy piramidalarynyń qyzmetin jarnamalaityn saittardy buǵattaýdyń tetigi ázirlendi.
Qabyldanǵan sharalardyń arqasynda 3 myńnan astam osyndai saittar buǵattaýǵa jiberildi. Biyl 28 qarjy piramidasyn uiymdastyrýshylarǵa qatysty Qylmystyq kodekstiń 217-baby boiynsha 33 qylmystyq is tirkelgen.
Sot 7 qylmystyq isti qarady, olar boiynsha 11 adam sottaldy, onyń ishinde 1 - shet memlekettiń azamatyna qatysty. Barlyq tulǵalarǵa naqty merzimge – 3 jyldan 6 jyl 8 aiǵa deiin bas bostandyǵynan aiyrý jazasy taǵaiyndaldy. Bul rette 7 adam 5 jylǵa bas bostandyǵynan aiyryldy", - delingen habarlamada.
QMA azamattardy asa saq bolýǵa jáne olardy qarjy piramidalarǵa tartatyn alaiaqtardyń aila-amalyna túspeýge shaqyrady.
