Tótenshe jaǵdai kezinde qarjylyq jaǵdaiy nasharlaǵan shaǵyn jáne orta kásipkerlik sýbektilerine qoldaý kórsetý, ekonomikany qalpyna keltirý jónindegi josparlardy iske asyrý maqsatynda ShOB sýbektilerine qosymsha qoldaý kórsetý tártibi bekitildi, dep habarlaidy QR Qarjy naryǵyn retteý jáne damytý agenttigi.
ShOB sýbektilerine qoldaý kórsetý tártibi ekinshi deńgeidegi bankterge, bank operatsiialarynyń jekelegen túrlerin júzege asyratyn uiymdarǵa, mikroqarjylyq qyzmetti júzege asyratyn uiymdarǵa, onyń ishinde buryn kórsetilgen uiymdar bolyp tabylǵan zańdy tulǵalarǵa (kredittik uiymdar) qoldanylady.
Kredittik uiym jeke tártippen ShOB sýbektisiniń qarjylyq jaǵdaiyn, tótenshe jaǵdaidyń jáne karantinniń kásipkerlik qyzmetke áserin jáne ShOB sýbektisiniń qarjylyq jaǵdaiynyń qalpyna kelý perspektivalaryn baǵalaidy.
ShOB sýbektileriniń qarjylyq jaǵdaiy nasharlaýynyń obektivti sebepteri bolǵan kezde kredittik uiymdar kásipkerlik sýbektilerine qoldaý kórsetýdiń memlekettik baǵdarlamalary sheńberinde banktik qaryzdy jáne mikrokreditti jeńildik berilgen talaptarmen qaita qarjylandyrý jáne (nemese) kórsetilgen sharttar boiynsha tólemderdi ShOK sýbektileriniń qarjylyq jaǵdaiyn jáne tólemge qabilettiligin qalpyna keltirý úshin jetkilikti kezeńge keiinge qaldyrý túrinde qoldaý sharalaryn usynady.
Kredittik uiym qoldaýdy ShOB sýbektisiniń ótinishi jáne 2020 jylǵy 16 maýsym – 15 qyrkúiek aralyǵynda kredittik uiymǵa berilgen ShOB sýbektisiniń qarjylyq jaǵdaiynyń nasharlaǵanyn rastaityn qujattar negizinde kórsetedi.
