Ánýar Jumadildaev QR Qarjy ministrliginiń Qarjy monitoringi komitetiniń tóraǵasy bolyp taǵaiyndaldy, - dep habarlaidy "Ult aqparat". Bul týraly QR Qarjy ministrliginiń Twitter jelisindegi paraqshasynda jazyldy.
"Ánýar Jumadildaev QR Qarjy ministrliginiń Qarjy monitoringi komitetiniń tóraǵasy bolyp taǵaiyndaldy", - delingen habarlamada.
Aita keteiik, Ánýar Serqululy Jumadildaev 1965 jyly 22 qyrkúiekte Qyzylorda oblysynda dúniege kelgen. 1990 jyly P. Lýmýmba atyndaǵy Halyqtar dostyǵy ýniversitetin matematik mamandyǵy boiynsha támamdaǵan. 2006 jyly Batys Qazaqstan injenerlik-tehnologiialyq ýniversitetinde qarjyger mamandyǵy boiynsha ekinshi joǵary bilim aldy. 1990 jyldan bastap Qazaq SSR ǴA Matematika jáne mehanika istitýtynyń zertteýshisi. 1990 jyldan bastap 1992 jyl aralyǵynda P. Lýmýmba atyndaǵy HDÝ aspiranty; 1992 jyldan bastap "Alas firmasy" JShS-niń kommertsiialyq direktory; 1997 jyldan bastap "Alaýgaz" AQ-da basqarýshy, "Aktsept-Profil" JShS vitse-prezidenti; 1997 jyldan bastap 2003 jyl aralyǵynda "Alaýgaz" AQ prezidentiniń m.a., "Alaýgaz" AQ prezidenti; 2005 jyldan bastap Batys Qazastan oblysy boiynsha salyq komiteti tóraǵasynyń orynbasary; 2008 jyldyń qazanynan bastap jeltoqsanyna deiin Qazaqstan Respýblikasy Qarjy ministrliginiń Aqparattyq tehnologiialar departamenti Aqparattyq-tehnologiialyq infraqurylymdar monitoringi men aqparattyq qaýipsizdik basqarmasynyń bastyǵy; 2008 jyldyń jeltoqsanynan bastap Qazaqstan Respýblikasy Qarjy ministrliginiń Salyq komiteti Alkogol, temeki jáne ózge de aktsizdeletin ónimderdi ákimshilendirý basqarmasynyń bastyǵy, Qazaqstan Respýblikasy Qarjy ministrliginiń Salyq komiteti Aktsizderdi ákimshilendirý basqarmasynyń bastyǵy; 2009 jyldyń sáýirinen bastap Qazaqstan Respýblikasy Qarjy ministrliginiń Salyq komiteti tóraǵasynyń orynbasary; 2012 jyldyń aqpanynan 2014 jyldyń tamyz aiyna deiin Qazaqstan Respýblikasynyń Qarjy ministrligi Salyq komitetiniń tóraǵasy boldy.
.jpeg)