QR Qarjy ministrligi Memlekettik kirister komiteti tóraǵasynyń orynbasary Mádi Tákiev 65 mln eýroǵa Parijden páter satyp alǵan qazaqstandyq týraly aityp berdi, dep habarlaidy QazAqparat tilshisi.
Eske sala ketsek, buǵan deiin Qarjy ministrligi 65 mln eýroǵa Parijde aýmaǵy 1200 sharshy metr páterdi satyp alǵan qazaqstandyqqa izdeý salǵan bolatyn.
Onyń aitýynsha, qymbat páter iesi memlekettik qyzmetpen ainalyspaidy.
«Biz Frantsiiadaǵy áriptesterimizge saýal joldadyq. Jaýap keldi, biraq salyq tóleýshi ózi týraly aqparatty jariialaýǵa ruqsat bermedi. Sondyqtan, ol týraly tolyq aqparat bere almaimyz. Ol óz tabysyn kórsetti, salyqtary tólengen jáne óz aqshasyna jyljymaityn múlik satyp alǵan. Jáne taǵy bir atap óterlik jait, páter iesi - Úkimet qyzmetkeri emes», - dep jaýap berdi Mádi Tákiev Úkimet úiinde ótken baspasóz máslihatynda jýrnalister suraǵyna.
Sondai-aq, komitet ókili atyshýly páterdiń kompaniia atyna tirkelgenin atap ótti.
«Biz kompaniianyń kiris kózderin tekserdik. Páter adamnyń emes, kompaniianyń atyna tirkelgen. Sáikesinshe, kompaniia kiristeri mundai páterdi satyp alýǵa múmkindik beredi jáne barlyq salyqtary tólengen», - dedi Mádi Tákiev.
