Koronavirýstyń ekinshi tolqyny bolsa, ony eńserýge Qazaqstannyń qarjysy jete me? Bul suraq OKQ-da uiymdastyrylǵan baspasóz máslihatynda Qarjy ministri Erulan Jamaýbaevqa qoiyldy, dep habarlaidy "Ult aqparat".
«Koronavirýstyń birinshi tolqynyn eńserý úshin biýdjetten 153,4 mlrd teńge bólingen bolatyn. Onyń 26,6 mlrd teńgesi – Úkimettiń rezervi bolsa, 125,3 mlrd teńgesi naqtylanǵan respýblikalyq biýdjet kezinde bólingen. Sonymen birge, 1,5 mlrd teńge Bilim jáne ǵylym ministrliginiń biýdjetinen aýdaryldy. Jalpy jaǵdai qalai qalyptasady, koronavirýsqa qatysty ahýal ne bolady – oǵan qarai ekonomikalyq jaǵdai qalai ózgeretinin kóre jatarmyz. Jalpy Úkimettiń rezervi men naqtylanǵan biýdjette tiisti qarajat bar», - dedi Erulan Jamaýbaev.
Eske sala ketsek buǵan deiin Erulan Jamaýbaev Qazaqstannyń ulttyq qoryna byltyr 4,5 trln teńge qosylǵanyn málim etken bolatyn. Onyń aitýynsha 2019 jyldyń qorytyndysy boiynsha, Ulttyq qor qarajaty shamamen 27,5 trln teńgeni nemese 65,5 mlrd dollardy qurady. Ótken jyly Ulttyq qorǵa shamamen 4,5 trln teńge, onyń ishinde munai sektory uiymdarynan túsetin tikelei salyqtar túsimderi esebinen 2,8 trln teńge túsken.
