Búgin QR Premer-ministriniń birinshi orynbasary – Qarjy ministri Álihan Smaiylov tilshiler aldynda esep berip, Arys qalasyndaǵy turǵyn úilerdi, injenerlik jelilerdi, áleýmettik infraqurylymdardy qalpyna keltirýge úkimet rezervinen arnaiy qarjy bólinetinin málimdedi, – dep habarlaidy Ult aqparat.
«Arys qalasyndaǵy azamattardyń qaýipsizdigin qamtamasyz etý boiynsha birinshi kezektegi sharalardy qabyldaý maqsatynda memleket basshysy memlekettik rezervten materialdyq qundylyqtardy bólý týraly qaýly etti. Barlyq qajetti sharalar uiymdastyryldy. Qazirgi tańda keltirilgen zalal kólemin baǵalaý úshin qajetti esepter ázirlendi. Barlyq qalpyna keltiretin jumystardy úkimettiń baqylaýynda jedeldetilgen rejimde atqaratyn bolamyz» dedi Álihan Smaiylov.
Sondai-aq, vedomstvo basshysy Nur Otan partiiasynyń bastamasymen «Arys – biz birgemiz» aktsiiasyn qoldap Qarjy ministrligi men onyń komitettteri bir kúndik jalaqylaryn aýdarǵanyn atap ótti.
