Foto: ashyq derekkóz
Aqmola oblysynyń Qosshy qalasynda turatyn áiel óz enesiniń altyn júzigin lombardqa ótkizip, qurbysynyń aldyndaǵy qaryzyn japqan. Bul áreketin jasyrý úshin úiindegi zattardy ádeii shashyp, urlyq bolǵandai kórinis jasap, politsiiaǵa jalǵan aryz túsirgen, dep habarlaidy Ult.kz.
Oqiǵany Qosshy qalasynyń prokýratýrasy men jergilikti politsiia bóliminiń tergeýshileri muqiiat tekserip, istiń mán-jaiyn anyqtady. Nátijesinde azamatsha «N»-ǵa qatysty Qylmystyq kodekstiń 419-babynyń 2-bóligi boiynsha, iaǵni qylmys jasalǵany týraly kórineý jalǵan habar bergeni úshin qylmystyq is qozǵaldy.
Prokýratýra ókilderi mundai áreketterdiń bes jylǵa deiin bas bostandyǵynan aiyrý jazasyna ákelýi múmkin ekenin eskertedi.
