فوتو: اشىق دەرەككٶز
اقمولا وبلىسىنىڭ قوسشى قالاسىندا تۇراتىن ەيەل ٶز ەنەسٸنٸڭ التىن جٷزٸگٸن لومباردقا ٶتكٸزٸپ, قۇربىسىنىڭ الدىنداعى قارىزىن جاپقان. بۇل ەرەكەتٸن جاسىرۋ ٷشٸن ٷيٸندەگٸ زاتتاردى ەدەيٸ شاشىپ, ۇرلىق بولعانداي كٶرٸنٸس جاساپ, پوليتسيياعا جالعان ارىز تٷسٸرگەن, دەپ حابارلايدى Ult.kz.
وقيعانى قوسشى قالاسىنىڭ پروكۋراتۋراسى مەن جەرگٸلٸكتٸ پوليتسييا بٶلٸمٸنٸڭ تەرگەۋشٸلەرٸ مۇقييات تەكسەرٸپ, ٸستٸڭ مەن-جايىن انىقتادى. نەتيجەسٸندە ازاماتشا «ن»-عا قاتىستى قىلمىستىق كودەكستٸڭ 419-بابىنىڭ 2-بٶلٸگٸ بويىنشا, ياعني قىلمىس جاسالعانى تۋرالى كٶرٸنەۋ جالعان حابار بەرگەنٸ ٷشٸن قىلمىستىق ٸس قوزعالدى.
پروكۋراتۋرا ٶكٸلدەرٸ مۇنداي ەرەكەتتەردٸڭ بەس جىلعا دەيٸن باس بوستاندىعىنان ايىرۋ جازاسىنا ەكەلۋٸ مٷمكٸن ەكەنٸن ەسكەرتەدٸ.
