Qazaqstannyń keibir azamattary tiisti qyzmettegi «jalqaýlardyń» kesirinen jazyqsyz japa shegip júr. Máselen, sottyń oryndaý qujattary nemese ákimshilik aiyppul salynǵandar moinyna túsken tólemnen tolyq qutylsa da tiisti qyzmetter bul týraly Derekter bazasyna málimet bermegendikten, qaryz bolyp qala beredi eken.
Osyndai «jalqaýlardyń» qataryna ásirese, jekemenshik sot oryndaýshylaryn jatqyzýǵa bolady. Ózine qajetti óndirýge tiistisin alsa da ondailar Derekter bazasyna málimet bermeidi eken. Tipti, málimet bermegeni úshin olar eshqandai jaza da tartpaityn kórinedi. Sonyń kesirinen adamdar shetelge shyǵaiyn dese shekarada «shyǵarýǵa bolmaityndar» qatarynda ustalyp, moraldyq jáne materialdyq japa shegip, shat-shálekei bolyp jatatyn kórinedi.
Sondai-aq qujattarǵa engiziletin ózgeristerdi de Derekter bazasyna engizbeitin memlekettik qyzmetshiler bar eken. Máselen, familiiańyzdyń sońyndaǵy «ov», «ev» degen jat jurnaqtardy aldyryp tastasańyz da olardy tiisti qyzmet Derekter bazasyna engizýge «erinip» qalatyn kórinedi. Sonyń kesirinen shekarada «ustalyp», ózińniń burynǵy «Ahmetovtyń» ornyndaǵy «Ahmet» ekendigińizdi dáleldei almai, qatty qinalatyn kórinesiz. Keide mundaidyń aqyry «kók qaǵazben» sheshilip, sybailas jemqorlyqqa da jol ashyp jatatyn kórinedi.
Mine, osyndailardy boldyrmas úshin Májilis depýtaty Aiqyn Qońyrov bastaǵan kommýnister toby Ádilet ministri Marat Beketaevqa saýal joldap, jasalǵan túzetýlerdi Derekter bazasyna dereý engizbegen qyzmetkerlerdi qatań jazalaýdy talap etti.
Serik ELEÝ, sarapshy
Ult portaly
