قازاقستاننىڭ كەيبٸر ازاماتتارى تيٸستٸ قىزمەتتەگٸ «جالقاۋلاردىڭ» كەسٸرٸنەن جازىقسىز جاپا شەگٸپ جٷر. مەسەلەن, سوتتىڭ ورىنداۋ قۇجاتتارى نەمەسە ەكٸمشٸلٸك ايىپپۇل سالىنعاندار موينىنا تٷسكەن تٶلەمنەن تولىق قۇتىلسا دا تيٸستٸ قىزمەتتەر بۇل تۋرالى دەرەكتەر بازاسىنا مەلٸمەت بەرمەگەندٸكتەن, قارىز بولىپ قالا بەرەدٸ ەكەن.
وسىنداي «جالقاۋلاردىڭ» قاتارىنا ەسٸرەسە, جەكەمەنشٸك سوت ورىنداۋشىلارىن جاتقىزۋعا بولادى. ٶزٸنە قاجەتتٸ ٶندٸرۋگە تيٸستٸسٸن السا دا وندايلار دەرەكتەر بازاسىنا مەلٸمەت بەرمەيدٸ ەكەن. تٸپتٸ, مەلٸمەت بەرمەگەنٸ ٷشٸن ولار ەشقانداي جازا دا تارتپايتىن كٶرٸنەدٸ. سونىڭ كەسٸرٸنەن ادامدار شەتەلگە شىعايىن دەسە شەكارادا «شىعارۋعا بولمايتىندار» قاتارىندا ۇستالىپ, مورالدىق جەنە ماتەريالدىق جاپا شەگٸپ, شات-شەلەكەي بولىپ جاتاتىن كٶرٸنەدٸ.
سونداي-اق قۇجاتتارعا ەنگٸزٸلەتٸن ٶزگەرٸستەردٸ دە دەرەكتەر بازاسىنا ەنگٸزبەيتٸن مەملەكەتتٸك قىزمەتشٸلەر بار ەكەن. مەسەلەن, فاميليياڭىزدىڭ سوڭىنداعى «وۆ», «ەۆ» دەگەن جات جۇرناقتاردى الدىرىپ تاستاساڭىز دا ولاردى تيٸستٸ قىزمەت دەرەكتەر بازاسىنا ەنگٸزۋگە «ەرٸنٸپ» قالاتىن كٶرٸنەدٸ. سونىڭ كەسٸرٸنەن شەكارادا «ۇستالىپ», ٶزٸڭنٸڭ بۇرىنعى «احمەتوۆتىڭ» ورنىنداعى «احمەت» ەكەندٸگٸڭٸزدٸ دەلەلدەي الماي, قاتتى قينالاتىن كٶرٸنەسٸز. كەيدە مۇندايدىڭ اقىرى «كٶك قاعازبەن» شەشٸلٸپ, سىبايلاس جەمقورلىققا دا جول اشىپ جاتاتىن كٶرٸنەدٸ.
مٸنە, وسىندايلاردى بولدىرماس ٷشٸن مەجٸلٸس دەپۋتاتى ايقىن قوڭىروۆ باستاعان كوممۋنيستەر توبى ەدٸلەت مينيسترٸ مارات بەكەتاەۆقا ساۋال جولداپ, جاسالعان تٷزەتۋلەردٸ دەرەكتەر بازاسىنا دەرەۋ ەنگٸزبەگەن قىزمەتكەرلەردٸ قاتاڭ جازالاۋدى تالاپ ەتتٸ.
سەرٸك ەلەۋ, ساراپشى
ۇلت پورتالى
