Shahanǵa týystaryna qonaqqa kelgen Artem Gagolko tótenshe jaǵdaidan aman qalǵan. Ol sol sátte páterdiń opyrylmaǵan bóliginde bolǵan, - dep habarlaidy "Ult aqparat" kaz.tengrinews.kz portalyna silteme jasap.
Ókinishke qarai, qaiǵyly oqiǵadan Artem Gagolkonyń ápkesi, ápkesiniń kúieýi jáne segiz ailyq jieni qaza tapqan. Artemnyń aitýynsha, ol sol kezde uiyqtap jatqan, biraq kenetten ony 7 jasar qaryndasy oiatyp, páterde eden joq ekenin aitqan. Sodan Artem Shahtinske ákesine qońyraý shalyp, mundai jaǵdaida syrtqa qalai shyǵý kerektigin suraǵan. Sondai-aq, Artem sol sátte qatty qoryqqanyn aityp otyr.
Osyǵan deiin Shahan aýylynda úidiń qulaýynan qaza tapqandardyń otbasyna million teńgeden bólinetini habarlanǵan bolatyn. "Otbasylaryna qarjylai kómek kórsetý jaiynda. Ákimdik qaza tapqan ár adam úshin million teńgeden jáne 500 myń teńge aýrýhanada jatqan zardap shekkenderge bóledi. Sonymen qatar ákimdik qaza bolǵandardy jerleý rásimin jáne eske alýdy óz moinyna alady", - degen edi oblystyq ákimdiktiń baspasóz qyzmetindegiler.
Eske sala keteiik, 1 qańtarda Shahtinsk qalasyndaǵy Shahan aýylynda keshki ýaqytta turǵyn úidiń bir bóligi opyrylyp, 9 adam qaza tapqan bolatyn. Olardyń úsheýi er adam, úsheýi áiel, taǵy úsheýi balalar eken. Oqiǵa ornynda qutqarý jumystary jalǵasyp jatyr. Al keiin apattyń aldyn ala sebebi atalǵan edi. Al keiin apattyń aldyn ala sebebi atalǵan edi.
