QR IIM Ákimshilik politsiia komiteti Qarý ainalymyn baqylaý bóliminiń bastyǵy Asylbek Ydyrysov halyqtan satyp alynǵan qarý-jaraq úshin qansha ótemaqy tólenetinin aityp berdi, dep habarlaidy QazAqparat.
Qarý tapsyrǵany úshin tólemder mólsheri olardyń túrine, tehnikalyq kúi-jaiyna bailanysty ár danasy úshin (10 AEK-ten 100 AEK-ke deiin) 30 myńnan 306 myńǵa deiin ár túrli bolady. Ótemaqy kólemin ár oblystyq, qalalyq jáne aýdandyq politsiia organdarynda qurylatyn komissiialar belgileidi.
«Mysaly, 100 AEK-ke deiin nemese 306 myń teńgeni – avtomatty oiyq qarýdy tapsyrǵan azamat ala alady. Mundai somanyń jartysy oiyq uńǵyly myltyqtar men karbinder úshin tólenýi múmkin. Tapanshalar men revolverler úshin – 122 myń teńgege deiin aqy tóleý boljanady. Tegis uńǵyly myltyqtardyń árbir danasy barynsha 91 myń teńgege baǵalanýy múmkin», - dedi Asylbek Ydyrysov QR IIM uiymdastyrǵan onlain-brifingte.
Ótemaqy tóleý merzimi – 1 ai. Onyń mólsherin aiqyndaý kezinde komissiialar qarýdyń tehnikalyq jai-kúiin eskeredi jáne 3 sanatqa bóledi. 1-sanattaǵy qarý úshin tólem usynylatyn qunynyń 100%-yn, 2-sanatqa 70%-yn, 3-sanatqa 30%-yn quraidy.
1-sanattaǵy qarýǵa – paidalanylmaǵan jáne tehnikalyq aqaýy joq qarý ne buryn paidalanýda bolǵan, biraq aqaýy joq, taýarlyq túrine nuqsan kelmegen qarý jatady. 2-sanatta – odan ári paidalanýǵa kedergi bolmaityn, jekelegen tehnikalyq aqaýy bar nemese taýarlyq túrine nuqsan kelgen qarý bar. Jóndeýge jaramdy qarýlar da ekinshi sanatqa jatady. 3-sanatqa – tehnikalyq aqaý saldarynan paidalanýǵa jaramsyz nemese qaýipti, jóndeýge, qalpyna keltirýge nemese aýystyrýǵa jaramsyz qarýlar jiberiledi.
Kriminalist-mamannyń qorytyndysy negizinde atys qarýy, oq-dári nemese jarylǵysh zattar bolyp tanylmaǵan, QR IIM BDB-nyń «Kriminaldyq qarý» jáne «Tirkelgen qarý» esebinde turǵan qarý-jaraqtarǵa, qoldan jasalǵan, sondai-aq tegis uńǵyly, gazdy jáne jaraqat salatyn patrondarǵa syiaqy tólenbeidi.
«Qarý-jaraq zattardyń qaidan paida bolýy týraly aitsaq, álbette olardyń kóbi – burynnan muraǵa qalǵan, ne taýyp alynǵan nemese olardy tirkeý boiynsha shekteýdi engizgenge deiingi satyp alynǵan qarýlar. Mysaly, buryn 1974 jylǵa deiin qarýlar malshylarǵa ańdardan qorǵaný úshin esepsiz taratylǵan. Barlyq tekserý sharalarynan keiin tapsyrylǵan qarýlar men oq-dáriler joiý protsessin beinejazbaǵa bekite otyryp, komissiialyq túrde joiylady», - dedi A. Ydyrysov.
Jinalǵan qarýlar bólshektenedi jáne ónerkásip kásiporyndarynda balqytylady. Sonymen birge, antikvarlyq jáne tarihi qundylyǵy bar qarý kriminalistikalyq bólimshelerdiń zattai kollektsiialaryna nemese Ishki ister ministrliginiń mýzeilerine berilýi múmkin.
«Máselen, ótken aptada Nur-Sultan qalasynda 1886 jyly Frantsiiada shyǵarylǵan oiyq uńǵyly kalibri 8 mm «MANUFACTURE DARMES» markaly vintovkasy (Vintovka Lebelia) tapsyrlǵan, ol atasynan muraǵa qalǵan eken. 2012 jyly Shyǵys Qazaqstan oblysynda erikti túrde tapsyrylǵan UOS kezinen qalǵan kalibri 12,7mm «Nikonov-Semenov-Vladimirovskii-Tankovyi» markaly tank pýlemeti bar. 2013 jyly Semei qalasynda 1882 jyly Italiada shyǵarylǵan 32 kalibrli «VETTERLI-VITALI» vintovka jáne «LEFOShE» júiesiniń revolveri tapsyryldy. Soltústik Qazaqstan oblysynyń turǵyndarynan «PISTOLET-PÝLEMET ShPAGINA» tapsyrylǵan. Pavlodar oblysynda 1891 jyly shyǵarylǵan «Frolov» konstrýktsiiasynyń tegis uńǵyly atys qarýynyń kesindisi tapsyryldy. Komisssiia sheshimine sáikes, bul qarýlar eksponat retinde Politsiia departamentteriniń mýzeilerine berildi», - dep túsindirdi Asylbek Ydyrysov.
