QR Aýyl sharýashylyǵy ministri Saparhan Omarov elimizde kartop baǵasynyń qymbattaý sebebin atady, dep habarlaidy "Ult aqparat".
«Búginde elimizde kartop jetkilikti kólemde ósiriledi. Tipti, erteń aýyl sharýashylyǵy taýarlaryn óndirýshiler kartop ónimderin óz qunyna sata da almai qalýy múmkin. Mundai jait ótken jyly oryn alǵan bolatyn. Sondyqtan kartopty shamadan tys ósirmeýge keńes berer edim», - dedi ministr Ortalyq kommýnikatsiialar qyzmetindegi baspasóz máslihaty barysynda BAQ ókilderiniń saýalyna orai.
Sonymen qatar ol elimizdiń aýyl sharýashylyǵy taýarlaryn óndirýshiler óz qoimalarynan kartoptyń 1 kelisin qansha teńgeden satyp jatqandyǵyn da atap ótti.
«Baǵaǵa qatysty aitar bolsaq, onda búginde aýyl sharýashylyǵy taýarlaryn óndirýshiler qoimalarynan kartoptyń 1 kelisin 200 teńgeden satyp jatyr. Al qalǵan 200 teńgeni deldaldar nemese iri saýda dúkenderi ózderi qosyp otyr», - dedi Saparhan Omarov.
Aita keteiik, sońǵy aptada elimizde kartop baǵasy kúrt qymbattap, 1 kelisi 400 teńgeden asyp ketken edi.
