قر اۋىل شارۋاشىلىعى مينيسترٸ ساپارحان وماروۆ ەلٸمٸزدە كارتوپ باعاسىنىڭ قىمباتتاۋ سەبەبٸن اتادى, دەپ حابارلايدى "ۇلت اقپارات".
«بٷگٸندە ەلٸمٸزدە كارتوپ جەتكٸلٸكتٸ كٶلەمدە ٶسٸرٸلەدٸ. تٸپتٸ, ەرتەڭ اۋىل شارۋاشىلىعى تاۋارلارىن ٶندٸرۋشٸلەر كارتوپ ٶنٸمدەرٸن ٶز قۇنىنا ساتا دا الماي قالۋى مٷمكٸن. مۇنداي جايت ٶتكەن جىلى ورىن العان بولاتىن. سوندىقتان كارتوپتى شامادان تىس ٶسٸرمەۋگە كەڭەس بەرەر ەدٸم», - دەدٸ مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا باق ٶكٸلدەرٸنٸڭ ساۋالىنا وراي.
سونىمەن قاتار ول ەلٸمٸزدٸڭ اۋىل شارۋاشىلىعى تاۋارلارىن ٶندٸرۋشٸلەر ٶز قويمالارىنان كارتوپتىڭ 1 كەلٸسٸن قانشا تەڭگەدەن ساتىپ جاتقاندىعىن دا اتاپ ٶتتٸ.
«باعاعا قاتىستى ايتار بولساق, وندا بٷگٸندە اۋىل شارۋاشىلىعى تاۋارلارىن ٶندٸرۋشٸلەر قويمالارىنان كارتوپتىڭ 1 كەلٸسٸن 200 تەڭگەدەن ساتىپ جاتىر. ال قالعان 200 تەڭگەنٸ دەلدالدار نەمەسە ٸرٸ ساۋدا دٷكەندەرٸ ٶزدەرٸ قوسىپ وتىر», - دەدٸ ساپارحان وماروۆ.
ايتا كەتەيٸك, سوڭعى اپتادا ەلٸمٸزدە كارتوپ باعاسى كٷرت قىمباتتاپ, 1 كەلٸسٸ 400 تەڭگەدەن اسىپ كەتكەن ەدٸ.
