Káristerdiń Qazaqstanǵa qonys aýdarǵandarǵanyna 80 jyl tolýyna orai Qazaqstandaǵy kárister qaýymdastyǵy Aqtóbe filialynyń uiymdastyrýymen, Aqtóbe oblysy Qazaqstan halqy Assambleiasy jáne «Qoǵamdyq kelisim» KMM-niń qoldaýymen is-shara uiymdastyryldy.
Aqtóbe oblys ákimi atynan oblystyq Qazaqstan halqy Assambleiasy hatshylyǵynyń meńgerýshisi Barbosynov Nurbaqyt Qusaiynuly quttyqtaý sózimen jiyndy ashty.
«Qazaqstan jerine eriksiz qonys aýdarǵan 1,5 mln etnostardyń quramynda korei diasporasy da boldy. Olardyń 1165-i qazirgi Hromtaý jáne Áiteke bi aýdandarynyń aýmaǵyna jer aýdaryldy. Tózimdilik pen birliktiń arqasynda sizder qiyn kezeńderdi qazaq halqymen birge jeńe aldyńyzdar. Búgingi tańda korei etnosy aimaqtyń ajyramas bóligi bolyp tabylady, onyń ókilderi Qazaqstannyń ekonomikalyq, áleýmettik jáne ǵylymi salalaryna baǵa jetpes úles qosýda» - dedi ol óz sózinde.
Sol aýyr jáne qaiǵyly oqiǵalardyń kýágerlerine, ardagerlerge qurmet kórsetip, baǵaly syilyqtarmen marapattaýdan bastaǵan Qazaqstandaǵy kárister qaýymdastyǵy Aqtóbe filialynyń tóraǵasy Tshai Konstantin Valentinovich sózin: «Qazaq halqy sol jyldardaǵy barlyq qiyndyqtarǵa qaramastan, kóptegen qonys aýdarýshylarǵa qamqorlyq kórsetip, erlik jasady. Qazaqtardyń ulylyǵyn jáne qaiyrymdylyǵyn óz otanyn qazaq jerinen tapqan barlyq halyqtar moiyndady» - degen alǵyspen jalǵastyrdy.
Arnaiy Aqtóbe korei diasporasyn quttyqtaýǵa jerlesimiz, 90-jyldary bizdiń koreiler ansamblinde shyǵarmashylyq mansabyn bastaǵan, Korei memlekettik akademiialyq teatrynyń solisi, halyqaralyq jarystardyń laýreaty Angelina Iýgai keldi.
Qazaqstanǵa qonystanýynyń 80 jyldyǵyna orai káris qaýymdastyǵy merekelik kontsert uiymdastyrdy.
Aita ketsek, 1937 jyldary 100 myńdai Qiyr Shyǵys káristeri elimizdiń ár aimaǵyna kúshtep jer aýdarylǵan bolatyn. Búginde elimizde 100 myńnan astam korei diasporasy ómir súrýde. Al Ońtústik Qazaqstan oblysynda 9 myńnan astam korei etnosynyń ókilderi turady. Óńirimizde korei etnomádeni birlestigi 1989 jyly qurylyp, 1997 jyly «Qazaqstan koreileri qaýymdastyǵy» respýblikalyq qoǵamdyq birlestiginiń filialy retinde qaita tirkeýden ótti. Etnomádeni birlestik janynan ardagerler alqasy men jastar qanaty, jeksenbilik mektep, «Maranbon» folklorlyq ansambli jáne Kentaý qalasy men Maqtaral, Saryaǵash, Sairam, Tólebi aýdandarynda filialdary jumys isteidi. Bul birlestik el birligin bekemdeý, turaqtylyqty saqtaý baǵytynda atqarylǵan keshendi is-sharalardyń janynan tabylyp keledi.
.jpeg)