Erlan Qarin Qazaqstan Respýblikasynyń Memlekettik keńesshisi laýazymyna taǵaiyndaldy, dep habarlaidy "Ult aqparat" Aqordanyń baspasóz qyzmetine silteme jasap.
«Qazaqstan Respýblikasy Konstitýtsiiasynyń 44-babynyń 19) tarmaqshasyna sáikes Erlan Tynymbaiuly Qarin Qazaqstan Respýblikasynyń Memlekettik keńesshisi laýazymyna taǵaiyndalsyn», - delingen QR Prezidentiniń Jarlyǵy mátininde.
Erlan Qarin 1976 jyly Ońtústik Qazaqstan oblysy, Sairam aýdany, Aqsý aýylynda týǵan.
1997 jyly K. Jubanov atyndaǵy Aqtóbe memlekettik ýniversitetin, 1999 jyly Ál-Farabi atyndaǵy Qazaq memlekettik ýniversitetin aspirantýrasyn bitirgen. Saiasi ǵylymdar kandidaty.
1997-1998 jyldary – Aqtóbe qalasynyń №33 mektebinde geografiia jáne tarih pánderiniń muǵalimi.
1998-2000 jyldary – Qazaqstan damý institýtynda saiasi zertteýler ortalyǵynyń qyzmetkeri, Qytai jáne Resei institýty direktorynyń orynbasary.
2000-2002 jyldary – Ortalyq Aziia saiasi zertteýler agenttiginiń direktory.
2002-2003 jyldary – Qazaqstan Respýblikasynyń Premer-Ministriniń shtattan tys keńesshisi.
2003-2004 jyldary – Respýblikalyq «Asar» partiiasy tóraǵasynyń birinshi orynbasary, zamanaýi saiasat Halyqaralyq institýtynyń bas direktory.
2004-2006 jyldary – Antiterroristik baǵdarlamalar ortalyǵynyń basshysy.
2006-2008 jyldary – Mańǵystaý oblysy ákiminiń saiasi máseleler jónindegi keńesshisi.
2008 jylǵy aqpan-qarasha – Qazaqstan Respýblikasy Prezidentiniń Ákimshiligi Ishki saiasat bóliminiń meńgerýshisi.
2008-2013 jyldary – «Nur Otan» HDP-nyń strategiialyq damý boiynsha hatshysy.
2013-2014 jyldary – Vashington Ýniversitetiniń (AQSh) arnaiy shaqyrylǵan professory.
2014-2017 jyldary – Qazaqstan Respýblikasy Prezidentiniń janyndaǵy Qazaqstan strategiialyq zertteýler institýtynyń direktory.
2017-2019 jyldary – «Qazaqstan» respýblikalyq teleradiokorporatsiia» aktsionerlik qoǵamynyń basqarma tóraǵasy.
2019 j. sáýir - 2020 j. shilde aralyǵynda Qazaqstan Respýblikasy Prezidentiniń keńesshisi.
2020 j. shilde - 2022 j. qańtar Qazaqstan Respýblikasy Prezidentiniń kómekshisi.
2022 jylǵy 5 qańtardaǵy Memleket basshysynyń Jarlyǵymen Qazaqstan Respýblikasynyń Memlekettik hatshysy laýazymyna taǵaiyndaldy.
