Prezidenttiń kómekshisi Erlan Qarin Ulttyq qoǵamdyq senim keńesiniń besinshi otyrysy qashan ótkiziletinin málim etti, dep habarlaidy "Ult aqparat".
«Prezident tarapynan bastamalar kóterildi. Endigi jumys bizde - sarapshylarda, ár saladaǵy mamandarda. Bul bastamalardy jan-jaqty zerttep, ony shynaiy ári naqty mazmunmen tolyqtyrýymyz kerek», - dedi Erlan Qarin elordada ótip jatqan «Prezidenttik jańa saiasi reformalar paketi» atty dóńgelek ústelde.
Onyń aitýynsha Prezidenttiń bul málimdemesi - reformalardyń úshinshi paketi dep atalǵanymen, atalmysh bastamalar shegine taiap qaldy degendi bildirmeidi.
«Talqylaý jalǵasady. Talqylaý ortalyǵy - búgingi tańda Ulttyq qoǵamdyq senim keńesi. Sonyń otyrystarynda naqty usynystar pysyqtalady. Qazirgi ýaqytta Ulttyq qoǵamdyq senim keńesiniń besinshi otyrysyna daiyndyq júrgizilýde. Ol aqpan aiynda ótedi. Besinshi otyrysta jańa bastamalar jariialanady», - dedi ol.
