QR Prezidentiniń kómekshisi Erlan Qarin tanymal saiasattanýshy Andrei Chebotarevtiń avtorlyǵymen jaryq kórgen «Qazaqstandaǵy reformalar: Nietten is-áreketke» saraptamalyq baiandamaǵa qatysty pikir bildirdi, dep habarlaidy QazAqparat.
«Bul baiandama sońǵy ýaqytta elimizde júzege asyrylyp jatqan ózgerister men reformalarǵa arnalǵan. Atalǵan reformalardyń júzege asyryla bastaǵanyna 1,5-2 jyl bolǵanyna qaramastan onyń qanshalyqty aýqymdy ekenin baiqaýǵa bolady», - dedi ol.
Osy rette Erlan Qarin saiasi reformalarǵa airyqsha mán berip ótti.
«Elimizde júrgizilip jatqan saiasi reformalar jaiynda azdaǵan málimet berip ótsem deimin. QR Prezidenti Qasym-Jomart Toqaev saiasi reformalardyń úsh toptamasyn usynǵany belgili. Birinshi toptama 2019 jyldyń jeltoqsanynda, Ulttyq qoǵamdyq senim keńesiniń birinshi otyrysynda usylynǵan edi. Memleket basshysy ekinshi toptamany 2020 jyldyń qyrkúiegindegi Joldaýynda jariia etti. Al osy jyldyń qańtarynda, jańa Parlament sessiiasynyń ashylýyna sóilegen sózinde Prezident saiasi reformalardyń úshinshi toptamasyn usyndy», - dedi Prezident kómekshisi.
Onyń atap ótýinshe, Ulttyq keńes jumysynyń aiasynda saiasi reformalardyń birinshi toptamasy tolyq júzege asyryldy.
«Bul - saiasi partiialar úshin tirkeý kedergilerin tómendetý, partiialyq sailaý tizimine áielder men jastar úshin 30 paiyzdyq kvota engizý, jinalystar týraly múldem jańa zań qabyldaý, jala jabý týraly bapty dekriminalizatsiialaý jáne QR QK 174-babyn izgilendirý, sonymen qatar ólim jazasyn alyp tastaý. Tolyqtai alǵanda, saiasi reformalardyń birinshi toptamasy boiynsha 8 reforma qabyldandy. Qazirgi ýaqftta saiasi reformalardyń ekinshi jáne úshinshi toptamasyz belsendi júzege asyrylý satysynda tur», - dedi Erlan Qarin.
