Foto:instagram.com/erlankarin2019
Memlekettik keńesshi Erlan Qarin Qazaqstannyń saiasi júiesin qaita jańǵyrtý qalai josparlanǵanyn túsindirdi, - dep habarlaidy Tengrinews.kz tilshisi.
Qarinniń aitýynsha, Prezidenttiń kezekti Joldaýy el tarihyndaǵy túbegeili jańa saiasi belesti ashady.
"Memleket basshysy bilik júiesine sapaly jańa standarttar qoiady. Bul eń mańyzdy saiasi sheshimderdi qabyldaýdaǵy barynsha ashyqtyq, únemi jańarý, ashyq básekelestik.
Prezidenttiń búkil sailaý kestesin jariia etý týraly sheshimi Qazaqstannyń saiasi tájiribesi úshin buryn-sońdy bolmaǵan qadam.
Búkil sailaý tsikliniń bastalýy saiasi júiemizdi túbegeili qaita jańǵyrtý qajettiliginen týyndap otyr jáne maýsymdaǵy referendýmda azamattardyń kópshiligi qoldaǵan konstitýtsiialyq reformanyń logikasyna tolyǵymen sáikes keledi", - dep jazdy memlekettik keńesshi Telegram-arnasynda.
Erlan Qarinniń pikirinshe, aldymen prezidenttik sailaýdy, odan keiin Májilis pen máslihattar depýtattaryn sailaýdy dáiekti túrde ótkizý eldiń áleýmettik-ekonomikalyq damýynyń ózekti jáne strategiialyq mindetterin sheshýge nazar aýdarýǵa múmkindik beredi. Iaǵni, eldi jańǵyrtýdyń jinaqtalǵan qarqyny úzilmeidi, dedi ol.
"Merziminen buryn sailaý ótkizýdiń mańyzdy faktory - geostrategiialyq shielenis pen álemdik ekonomikanyń týrbýlenttiliginiń artýy. Álemdik protsesterdiń damý dinamikasynyń boljaýǵa bolmaityndyǵy jekelegen memleketter úshin ǵana emes, sonymen qatar tutas óńirler úshin de táýekelder men syn-qaterlerdi eseleidi.
Keshegi Joldaýdyń taǵy bir ortalyq bastamasy – Memleket basshysynyń Prezidenttiń ókiletin qaita sailaný quqyǵynsyz 7 jylǵa bir merzimmen shekteý týraly usynysy. Bul usynys muqiiat oilastyrylǵan sheshim, ony Parlament maquldasa, Qazaqstannyń saiasi júiesiniń bolashaǵyn aiqyndaidy", - dep qosty Qarin.
Sonymen qatar, memlekettik keńesshiniń aitýynsha, bir adamnyń 7 jyldyq merzimge ǵana Prezident bolyp sailanýy qazir Qazaqstannyń alys-jaqyn ortasynda eshbir pretsedenti joq saiasi jańalyq. Bir rettik prezidenttik norma eń aldymen saiasi júieni uzaq merzimdi turaqtandyrýǵa, bilikti monopoliialandyrý táýekelderin joiýǵa jáne demokratiianyń negizgi qaǵidattaryn nyǵaitýǵa baǵyttalǵan, dep qosty Erlan Qarin.
Engizilip jatqan aralas sailaý júiesi aiasynda bir mandatty okrýgter boiynsha sailaý eldegi saiasi mádenietti kóterýdiń mańyzdy faktory jáne jergilikti jerde azamattardyń múddesin aiqyndaýdyń qýatty quraly bolady dep esepteidi Erlan Qarin.
"Sailaý zańnamasy jaqyn arada jańa erejeler boiynsha jumys isteidi. Saiasi partiialardy tirkeý protsedýrasy jeńildetilip jatyr, bul búginde jańa partiialardyń, saiasatta jańa tulǵalardyń paida bolýyna, saiasi básekelestiktiń kúsheiýine yqpal etip jatyr.
Biliktiń ókildi organdarynyń jańarýy, Májilis pen máslihattardy qurýdyń jańa printsipteri atqarýshy vertikaldy – Úkimet pen ákimdikterdi keshendi qaita qurýmen tyǵyz bailanysty. Bolashaqta Úkimet quramyna eń kóp daýys jinaǵan partiianyń ókilderi ǵana emes, basqa parlamenttik partiialardyń ókilderi de kiredi", - dep qosty ol.
Jalpy, Qarinniń aitýynsha, Joldaýda aitylǵan barlyq saiasi bastama "kúshti Prezident – yqpaldy Parlament – esep beretin Úkimet" memlekettik qurylysymyzdyń negizgi formýlasyn jan-jaqty naqty mazmunmen tolyqtyrady.
"Jańa reforma búkil saiasi júieni qaita bastaýǵa múmkindik beretin sailaý tsiklin bastaidy", - dep túiindedi memlekettik keńesshi.
