QR Prezidentiniń keńesshisi Erlan Qarin Memleket basshysy qol qoiǵan «Beibit jiyndar týraly» jańa zańǵa qatysty pikir bildirdi, dep habarlaidy "Ult aqparat".
«Memleket basshysy «Beibit jiyndar týraly» jańa zańǵa qol qoidy. Bul Ulttyq keńestiń aiasynda usynylyp, daiyndalǵan prezidenttik saiasi reformalar paketiniń alǵashqy úlken nátijeleriniń biri. Tuńǵysh ret ulttyq zańnamada beibit jiyndar men sherýlerdi ótkizýde ruqsat alý tártibiniń ornyna habarlandyrý tártibi engizilip otyr» dep jazdy ol.
Sondai-aq, Erlan Qarin jańa zańǵa sáikes árbir qalanyń aýdandarynyń ortalyǵynda mindetti túrde úsh oryn beriletinin aitty. Odan bólek, eger jiyn ia sherý barysynda zań buzýshylyq oryn alyp, uiymdastyrýshylar tarapynan tiisti sharalar qabyldansa, ol jiyn toqtatylmaitynan, iaǵni jańa zań azamattarǵa beibit jiyndy ótkizýdegi quqyǵyn basymdyq retinde bekitkenin atap ótti.
«Bul zańnyń qabyldanýy elimizdiń saiasi qoǵamdyq ómiriniń odan ári demokratiialandyrý baǵytyndaǵy mańyzdy oqiǵa bolyp tabylady. Sonymen qatar, Prezident Qasym-Jomart Toqaevtyń bastamasymen qurylǵan Ulttyq qoǵamdyq senim keńesiniń nátijeli jumysynyń aiqyn kórinisteriniń biri. Ulttyq keńestiń músheleri atalǵan zańnyń daiyndalýynan bastap, talqylaýlardyń barlyq satylaryna belsene at salysyp, zań jobasynyń jetildirýine úlken úles qosty. Sondyqtan osy zańnyń qabyldanýymen Ulttyq keńestegi áriptesterimdi de quttyqtap, alǵysymdy bildiremin» dep pikir bildirgen óz jazbasynda.
