Saiasattanýshy Erlan Qarin kaz.tengrinews.kz tilshisine Astananyń halyqaralyq áýejaiyna Nursultan Nazarbaevtyń esimin berý týraly Úkimet qaýlysyna qatysty pikir bildirdi.
"Burynnan kútip otyrǵan, durys ári oryndy sheshim. Burynnan deitinim, Astana áýejaiynyń ataýyn ózgertý usynysy 2009 jyly aitylǵan, shatasyp turmasam. Sondyqtan bul oi búgin ǵana týyp otyrǵan joq.
Árine, áýejailarǵa el damýyna úlken úles qosqan ataqty adamdardyń esimin berý kóp taralǵan praktika. Parijdegi Sharl-de-Gol áýejaiy, Niý-Iorktegi Kennedi atyndaǵy, Vashingtondaǵy Ronald Reigan jáne Ystambuldaǵy Atatúrk áýejailary birden oiǵa oralady.
Qazirde kózi tiri adamdardyń atymen ataý da bar, máselen, úlken Djordj Býsh atynda ailaq bar, Polshadaǵy Leha Valensa atynda da, jaqynda Portýgaliiada áýejaiǵa Ronaldýdyń atyn berdi, osylai kete beredi.
Bizdiń jaǵdaida munyń oryndy bolýy Prezident kólik-logistikalyq infraqurylymdy damytýǵa baǵyttalǵan "Nurly jol" siiaqty óte tiimdi memlekettik baǵdarlamalardyń avtory. Bul baǵdarlama bizdiń ekonomikany ilgeriletedi. Myńdaǵan shaqyrymdyq jańa joldar, avtobandar, jańa aerovokzaldar, temirjol vokzaldary, terminaldar, sonyń ishinde Astananyń jańa áýejaiy.
Aita ketý kerek, Prezidentimizdiń bastamasy boiynsha chempiondarymyzdyń aty berilgen sport keshenderi salyndy: Rypakova, Ilin, Golovkin atyndaǵy. Sondyqtan Elbasymyzdyń da Qazaqstannyń damýyna qosqan úlesin atap ótkenimiz oryndy.
Endi Astananyń eski aviatsiialyq kody - TSE de aýysatyn shyǵar", - dep óz oiyn bildirdi Erlan Qarin.
Eske salaiyq, "Kazahstanskaia pravda" gazetinde Astananyń halyqaralyq áýejaiyna Nursultan Nazarbaevtyń esimin berý týraly Úkimet qaýylysyn jariialanǵan bolatyn.
