Erlan Qarin AQSh Memlekettik hatshysynyń orynbasary Ýzra Zeiamen kezdesti, - dep habarlaidy "Ult aqparat" Aqordanyń resmi saityna silteme jasap.
QR Memlekettik hatshysy Erlan Qarin AQSh Memlekettik hatshysynyń azamattyq qaýipsizdik, demokratiia jáne adam quqyqtary máseleleri jónindegi orynbasary Ýzra Zeiamen kezdesti.
Erlan Qarin elimizdi saiasi jáne áleýmettik-ekonomikalyq turǵyda júieli jańǵyrtýǵa baǵyttalǵan aýqymdy reformalar týraly aityp berdi.
Sonyń ishinde, Memlekettik hatshy Qazaqstan Prezidenti Qasym-Jomart Toqaevtyń Joldaýy eldi jańartýdy kózdeitin uzaq merzimdi baǵdardyń jáne jalpy saiasi jańǵyrý úderisiniń ajyramas bóligi ekenin atap ótti. Ol bilik tarmaqtary quzyretteriniń barynsha tiimdi tepe-teńdigin qalyptastyrý, kóppartiialy júieni, azamattyq qoǵam institýttaryn jáne adam quqyǵyn qorǵaý salasyn odan ári damytý jónindegi Memleket basshysynyń negizgi bastamalaryna toqtaldy.
Ýzra Zeia Prezident Qasym-Jomart Toqaevtyń saiasi jáne ekonomikalyq bastamalaryna AQSh-tyń qoldaý bildiretinin jetkizdi. AQSh Memlekettik hatshysynyń orynbasary Qazaqstannyń demokratiialyq úderisterdi odan ári ilgeriletý jolyndaǵy is-áreketine aldaǵy ýaqytta da qoldaý kórsetýge daiyn ekenin atap ótti.
Kezdesý sońynda taraptar ekijaqty yntymaqtastyqtyń túrli baǵyty boiynsha syndarly dialogty jalǵastyrýǵa yqylasty ekenin tanytty.
