Prezidenttiń saiasi máseleler jónindegi keńesshisi Erlan Qarin elimizde ótip jatqan ákimder sailaýy týraly pikir bildirdi, dep habarlaidy "Ult aqparat".
«Búgin Qazaqstanda alǵash ret aýyl ákimderiniń tikelei sailaýy ótýde. Bul – Prezident aitqandai, elimizde saiasi jańǵyrýdyń jańa kezeńin ashatyn óte mańyzdy sát. Memleket basshysy byltyrǵy Joldaýda ákimderdi tikelei sailaý týraly bastama kótergen bolatyn. Nátijesinde, ony usynǵannan bastap naqty iske asyrylǵanǵa deiin bir jyldan az ýaqyt ótti», - dep jazdy ol Telegram-kanalynda.
Memleket basshysy keńesshisiniń aitýynsha, aýyl ákimderin sailaý azamattarǵa óz eldi mekenderiniń damýyna tikelei yqpal etýge jańa múmkindikter ashady.
«Olar memlekettik basqarý júiesiniń uzaq merzimdi jumys qaǵidattaryn qalyptastyryp, memleket pen qoǵam arasyndaǵy ózara qarym-qatynastardyń sipatyn sapaly etip ózgertedi. Sondyqtan, bul sailaý naýqanynyń barysy azamattar arasynda úlken qyzyǵýshylyq týdyrdy», - deidi Prezident keńesshisi.
Sondai-aq, ol búgin ótip jatqan sailaý eldiń saiasi órisin jandandyrǵanyn, jergilikti deńgeide saiasi básekelestiktiń artqanyn atap ótti.
«Osy turǵydan alǵanda, barlyq 6 saiasi partiianyń óz kandidattaryn usynǵany, kóptegen ózin-ózi usynýshylar tirkelgeni de mańyzdy. Jalpy, Qasym-Jomart Toqaev bastamashy bolǵan úsh saiasi paket sheńberindegi barlyq ózgerister dáiekti túrde is júzinde iske asyrylyp, qoǵamnyń suranystaryna sai keledi jáne eldiń odan ári demokratiialanýyna yqpal etedi», - dep jazdy Erlan Qarin.
