Foto: elordainfo.kz
Ulttyq quryltai múshesi, Ulttyq ǵylym akademiiasynyń tolyq múshesi, filologiia ǵylymdarynyń doktory, professor Kárimbek Qurmanáliev bilim salasynyń mamany bolǵandyqtan Ulttyq quryltaidyń «Bilim jáne ǵylym» sektsiiasynyń jumysyna qatysady. Ol onda osy salaǵa qatysty máselelerdi kóterip keledi. "Keibir engizgen usynystarym qoldaý taýyp ta jatyr" degen Kárimbek Qurmanáliev pikirin bildirdi. Bul týraly Ult.kz habarlaidy.
"Quryltaidyń Býrabaida ótken tórtinshi otyrystyń bilim salasyna qatysty sektsiiasynda da joǵary oqý oryndarynyń máselesin kóterdim. Ásirese oqýlyqtar týraly paiymdy pikir bildirdim. Búginde Qazaqstanda 630 myń stýdent bar bolsa, solardyń 75%-y qazaq bóliminde oqidy eken. Al olardyń qazaq tilindegi oqýlyqpen qamtylý deńgeii bar bolǵany 39% ǵana. Bul árine eldik másele. Osyǵan orai men orta bilim berý oqýlyqtary siiaqty stýdentterge arnalǵan oqýlyq shyǵarýǵa da memlekettik deńgeide qoldaý tanytyp, bul iske respýblikalyq biýdjet esebinen qarjy bólýdi usyndym. Árine mundai kóp qarjyny talap etetin bastama Qarjy ministrligine unamaityny anyq. Sondyqtan men neǵurlym az aqsha shyǵyn bolatyn joldy, iaǵni oqýlyqty elektrondyq nusqada daiyndaýdy aittym. Bul bir jaǵynan qarjyny az talap etedi, ekinshi jaǵynan oqýlyqtardy taratý isinde esh shekteý bolmaidy. Tiisti ministrlik bul usynysqa keliskendei boldy.
Taǵy bir ózekti másele retinde doktorlyq dissertatsiia qorǵaityn izdenýshilerdiń halyqaralyq ǵylymi jýrnaldarǵa maqala shyǵarýdaǵy túitkildi jaitty qozǵadym. Iaǵni búginde bergen maqalańnyń shyǵýyn bir, keide eki jyldai kútýińe týra kelidi. Kandidat dissertatsiiasyn jazyp bolyp, qorǵaýǵa daiyn otyrǵanymen halyqaralyq ǵylymi jýrnalǵa maqalasy shyqpai, áýre-sarsańǵa salynyp, saryla kútip júredi", -deidi ol.
Sondai-aq Ulttyq quryltai múshesiniń aitýynsha qazirgi tańda bizdiń elde 300-ge jýyq ǵylymi jýrnal shyǵady eken.
"Joǵaryda aitqan problemany sheshý joly retinde biz elimizdegi JOO jáne ǵylymi institýttardan basylyp shyǵatyn jýrnaldardyń bas redaktorlarynyń basyn qosatyn qaýymdastyq qurýdy usynyp otyrmyz. Ol qaýymdastyq jýrnaldardyń ishinen konkýrs arqyly Scopus bazasyna ótetin, halyqaralyq talapqa sai ǵylymi jýrnaldardy iriktep alady. Ǵylym jáne joǵary bilim ministri búgin Prezident janyndaǵy Ulttyq ǵylym akademiiasy qasynan atalǵan qaýymdastyqtyń qurylatynyn aityp qýantty. Demek, endi maqala shyǵarýǵa tóleitin aqshany aidalaǵa shashpai, ózimizdiń ǵylymi basylymǵa tóleitin múmkindik týyp otyr. Osynyń arqasynda kandidat dissertatsiiany qorǵaýǵa ketetin ýaqytyn únemdese, ekinshiden basylymdardyń da sapasy artyp, olardyń ǵylymi turǵydan kúsheie túsýine kóp kómek bolmaq", -deidi Kárimbek Qurmanáliev.
