8 qazanda QR Ulttyq qaýipsizdik komitetiniń tóraǵasy Kárim Másimov Qyrǵyz Respýblikasynyń Memlekettik ulttyq qaýipsizdik komiteti tóraǵasy mindetin atqarýshy Ómúrbek Sývanaliev telefon arqyly sóilesti, dep habarlaidy "Ult aqparat" QR UQK saityna silteme jasap.
«Qyrǵyzstandaǵy bolyp jatqan jaǵdai talqylandy. Jaǵdaidy tez arada durystalady degen senim bildirildi. Buǵan deiin jasalǵan kelisimderge sáikes eki vedomstvonyń arasyndaǵy yntymaqtastyqty jalǵastyrýdyń mańyzdylyǵy atalyp ótildi», - delingen habarlamada.
Eske sala ketsek, Qyrǵyzstanda 4 qazanda ótken parlament sailaýynan keiin saiasi daǵdarys týyndaǵan. Bishkekte parlament sailaýynyń nátijesin joiýdy talap etken narazylyq aktsiiasynyń sońy janjalǵa ulasqan edi. 6 qazanǵa qaraǵan túni demonstranttar parlament pen prezident ákimshiligi ǵimaratyn basyp aldy.
Prezident Sooronbai Jeenbekov "saiasi kúshter bilikti basyp alýǵa árekettendi" dep málimdep, eldiń zańdy prezidenti bolyp qalǵanyn eskertti. Biraq ol dúisenbiden beri kópshilik aldyna shyqpaǵan. Bishkekte túrli saiasi kúshter arasynda bilikke talas qyzǵan.
