QR Ulttyq qaýipsizdik komitetiniń burynǵy tóraǵasy Kárim Másimovtiń qylmystyq isi «óte qupiia» belgisimen tergelýde, dep habarlaidy QazAqparat.
«Qylmystyq-protsessýaldyq kodekstiń 201-babyna sáikes, atalǵan sotqa deiingi tergeýdiń jariialanýǵa jatpaityndyǵyn komitetten (Ulttyq qaýipsizdik komiteti) rastady», - delingen Almatyapat Telegram-kanalynda jariialanǵan aqparatta.
Esterińizge sala keteiik, osy jyldyń 6 qańtarynda UQK Qazaqstan Respýblikasy Qylmystyq kodeksiniń 175-baby 1-bóligimen memleketke satqyndyq faktisi boiynsha sotqa deiingi tergeý bastady. Osy kúni atalǵan qylmysty jasady degen kúdikpen Ulttyq qaýipsizdik komitetiniń burynǵy tóraǵasy K.Másimov, UQK tóraǵasynyń burynǵy orynbasary – «A» arnaiy maqsattaǵy qyzmetiniń bastyǵy A.Sadyqulov pen UQK tóraǵasynyń burynǵy orynbasary D. Erǵojin ustaldy.
«K.Másimov pen Á.Sadyqulovqa qatysty qamaýda ustaý túrindegi bultartpaý sharasy sanktsiialanǵan. D.Erǵojinge qatysty bultartpaý sharasyn tańdaý máselesi qarastyrylyp jatyr», - delingen QR UQK baspasóz qyzmeti taratqan aqparatta.
