Foto: QM MKK usynǵan
Túrkistan oblysy boiynsha Memlekettik kirister departamentiniń "Qaplanbek" keden beketinde qaýyndy kontrabandalyq jolmen áketý áreketi anyqtaldy. Bul týraly QR QM Memlekettik kirister komiteti habarlady, - dep habarlaidy Tengrinews.kz.
2022 jylǵy 23 tamyzda "Qaplanbek" keden beketinde komitettiń Ahýaldyq ortalyǵynyń qyzmetkerleri inspektsiialyq tekserip-qaraý kesheniniń sýretterin taldaý kezinde málimdelgen qujattarda sáikessizdik anyqtady. Qujattarda málimdelgen "qarbyzdyń" ornyna sýrette sopaq pishindes taýar kóringen. Málimet kedendik jete tekserýge jiberilgen.
Kedendik jete tekserýdi júrgizý kezinde "Qaplanbek" keden beketiniń qyzmetkerleri 62 tonna deklaratsiialanbaǵan "qaýyn" taýaryn anyqtaǵan.
"Syrtqy ekonomikalyq qyzmetke qatysýshy 12 tonna "qaýyn" taýaryn jáne 66 tonna "qarbyz" taýaryn málimdegen. Kedendik tólemderdi tóleýden jaltarý maqsatynda importtaýshylar deklaratsiialarda neǵurlym arzan taýardy málimdeidi. Anyqtalǵan zańbuzýshylyqtar boiynsha syrtqy ekonomikalyq qyzmetke qatysýshy qoldanystaǵy zańnamamen jaýapkershilikke tartylady", - delingen habarlamada.
