Foto: Mańǵystaý oblysy ákimdigi
Mańǵystaý oblysynyń ákimi Nurlan Noǵaev elordadaǵy esep berý brifinginde Qaraturyn ken ornyndaǵy apattyń mán-jaiyn aitty, - dep habarlaidy Kazinform.
9 maýsymda «Bozashy Munai» JShS «Ońtústik Qaraturyn» munai-gaz ken ornynda 1088 metr tereńdikten burǵylaý quralynyń kóterilýi saldarynan órt tutanǵan edi. Qyzyl jalyn áli kúnge deiin óshirilgen joq.
«Qaraturyn ken ornyndaǵy apat áli joiylǵan joq. Kompaniianyń aitýynsha, órt kelesi aidyń sońynda tolyǵymen sóndiriledi. Ol úshin qajetti is-sharalar júrgizilip jatyr. Qosymsha uńǵymalar burǵylandy, onda gazdyń qaidan keletinin anyqtaý úshin sý men basqa da reagentterdi berý múmkindigi jasaldy», - dedi Noǵaev Ortalyq kommýnikatsiialar qyzmetinde.
Óńir basshysy Ekologiia departamenti tiisti zertteýler júrgizgenin atap ótti. Ken ornynda metan shekti ruqsat etilgen kontsentratsiiadan asyp ketken. Biraq jaqyn mańdaǵy eldi mekenderde mundai baiqalmaǵan.
«Órtti sóndirgennen keiin barlyq qajetti shara qabyldanady. Ekologiia departamenti Ekologiialyq kodeks aiasynda qajetti jumystardy júrgizedi», - dep atap ótti Nurlan Noǵaev.
Sondai-aq óńir basshysy oqiǵaǵa qatysty barlyq baǵalaý jumystary órt sóndirilgen soń júrgiziletinin jetkizdi.
