فوتو: ماڭعىستاۋ وبلىسى ەكٸمدٸگٸ
ماڭعىستاۋ وبلىسىنىڭ ەكٸمٸ نۇرلان نوعاەۆ ەلورداداعى ەسەپ بەرۋ بريفينگٸندە قاراتۇرىن كەن ورنىنداعى اپاتتىڭ مەن-جايىن ايتتى, - دەپ حابارلايدى Kazinform.
9 ماۋسىمدا «بوزاشى مۇناي» جشس «وڭتٷستٸك قاراتۇرىن» مۇناي-گاز كەن ورنىندا 1088 مەتر تەرەڭدٸكتەن بۇرعىلاۋ قۇرالىنىڭ كٶتەرٸلۋٸ سالدارىنان ٶرت تۇتانعان ەدٸ. قىزىل جالىن ەلٸ كٷنگە دەيٸن ٶشٸرٸلگەن جوق.
«قاراتۇرىن كەن ورنىنداعى اپات ەلٸ جويىلعان جوق. كومپانييانىڭ ايتۋىنشا, ٶرت كەلەسٸ ايدىڭ سوڭىندا تولىعىمەن سٶندٸرٸلەدٸ. ول ٷشٸن قاجەتتٸ ٸس-شارالار جٷرگٸزٸلٸپ جاتىر. قوسىمشا ۇڭعىمالار بۇرعىلاندى, وندا گازدىڭ قايدان كەلەتٸنٸن انىقتاۋ ٷشٸن سۋ مەن باسقا دا رەاگەنتتەردٸ بەرۋ مٷمكٸندٸگٸ جاسالدى», - دەدٸ نوعاەۆ ورتالىق كوممۋنيكاتسييالار قىزمەتٸندە.
ٶڭٸر باسشىسى ەكولوگييا دەپارتامەنتٸ تيٸستٸ زەرتتەۋلەر جٷرگٸزگەنٸن اتاپ ٶتتٸ. كەن ورنىندا مەتان شەكتٸ رۇقسات ەتٸلگەن كونتسەنتراتسييادان اسىپ كەتكەن. بٸراق جاقىن ماڭداعى ەلدٸ مەكەندەردە مۇنداي بايقالماعان.
«ٶرتتٸ سٶندٸرگەننەن كەيٸن بارلىق قاجەتتٸ شارا قابىلدانادى. ەكولوگييا دەپارتامەنتٸ ەكولوگييالىق كودەكس اياسىندا قاجەتتٸ جۇمىستاردى جٷرگٸزەدٸ», - دەپ اتاپ ٶتتٸ نۇرلان نوعاەۆ.
سونداي-اق ٶڭٸر باسشىسى وقيعاعا قاتىستى بارلىق باعالاۋ جۇمىستارى ٶرت سٶندٸرٸلگەن سوڭ جٷرگٸزٸلەتٸنٸن جەتكٸزدٸ.
