Qyzylordalyq Móldir Jańbyrbai karateden Tokio Olimpiadasyna joldamany jeńip aldy, dep habarlaidy "Ult aqparat".
Búginde Frantsiia astanasy Parij qalasynda karateden litsenziialyq týrnir ótip jatyr. Týrnirde Móldir 55 keli salmaqta synǵa tústi. Álemdik irikteý jarysynda ol finalǵa deiin jetti. Biraq, aqtyq synda qarsylasyna ese jiberip, kúmis júldeni qanaǵat tutty. Osylaisha Olimpiadaǵa beriletin joldamaǵa ie boldy.
Aita keterligi, bul - karateden el quramasy qorjynyna túsken ekinshi litsenziia. Buǵan deiin Darhan Asadilov merziminen buryn Tokio Olimpiadasyna baratyn sportshylar tizimine engen bolatyn.
Eske salsaq, atalǵan týrnirge elimizdiń atynan jeti sportshy attandy. Olardyń qatarynda qyzdardan Liia Koshkarbaeva - (katadan tehnikalyq jattyǵý), Móldir Jańbyrbai (55 keli), Sabina Zaharova (61 keli), Sofia Berýltseva (61 keliden joǵary), jigitterden Madi Kateshov (kata), Nurqanat Ájiqanov (75 keli) men Daniiar Iýldashev (75 keliden joǵary) bar.
Atalǵan jarysta álemniń 98 elinen barlyǵy 495 sportshy baq synaidy.
