كاراتە: مٶلدٸر جاڭبىرباي توكيو وليمپياداسىنىڭ جولداماسىن ەنشٸلەدٸ

قىزىلوردالىق مٶلدٸر جاڭبىرباي كاراتەدەن توكيو وليمپياداسىنا جولدامانى جەڭٸپ الدى, دەپ حابارلايدى "ۇلت اقپارات".

بٷگٸندە فرانتسييا استاناسى پاريج قالاسىندا كاراتەدەن ليتسەنزييالىق تۋرنير ٶتٸپ جاتىر. تۋرنيردە مٶلدٸر 55 كەلٸ سالماقتا سىنعا تٷستٸ. ەلەمدٸك ٸرٸكتەۋ جارىسىندا ول فينالعا دەيٸن جەتتٸ. بٸراق, اقتىق سىندا قارسىلاسىنا ەسە جٸبەرٸپ, كٷمٸس جٷلدەنٸ قاناعات تۇتتى. وسىلايشا وليمپياداعا بەرٸلەتٸن جولداماعا يە بولدى.

ايتا كەتەرلٸگٸ, بۇل - كاراتەدەن ەل قۇراماسى قورجىنىنا تٷسكەن ەكٸنشٸ ليتسەنزييا. بۇعان دەيٸن دارحان اسادٸلوۆ مەرزٸمٸنەن بۇرىن توكيو وليمپياداسىنا باراتىن سپورتشىلار تٸزٸمٸنە ەنگەن بولاتىن.

ەسكە سالساق, اتالعان تۋرنيرگە ەلٸمٸزدٸڭ اتىنان جەتٸ سپورتشى اتتاندى. ولاردىڭ قاتارىندا قىزداردان لييا كوشكارباەۆا - (كاتادان تەحنيكالىق جاتتىعۋ), مٶلدٸر جاڭبىرباي (55 كەلٸ), سابينا زاحاروۆا (61 كەلٸ), سوفيا بەرۋلتسەۆا (61 كەلٸدەن جوعارى), جٸگٸتتەردەن مادي كاتەشوۆ (كاتا), نۇرقانات ەجٸقانوۆ (75 كەلٸ) مەن دانييار يۋلداشەۆ (75 كەلٸدەن جوعارى) بار. 

اتالعان جارىستا ەلەمنٸڭ 98 ەلٸنەن بارلىعى 495 سپورتشى باق سىنايدى.