Jambyl oblysynda kólik pen poiyz soqtyǵysyp, saldarynan alty adam qaza tapty, - dep habarlaidy "Ult aqparat" Polisia.kz portalynyń Telegram-arnasyna silteme jasap.
1 qarashada saǵat 08.55 shamasynda Túrksib stantsiiasyndaǵy jelilik politsiia bóliminen Merki aýdanynyń Qarasý aýylynda temirjol ótkelinde jolaýshylar poiyzy Audi avtokóligimen soqtyǵysqany týraly habarlama kelip túsken.
"Kólik apaty saldarynan 6 adam qaza tapty.
Osy derekke qatysty QR QK-niń 345-baby 4-bóligi boiynsha sotaldy tergeý amaldary bastaldy. Qajetti saraptamalar taǵaiyndaldy. Oqiǵa ornynda kezekshi jedel-tergeý toby jumys istep jatyr", - dedi Jambyl oblysy PD baspasóz qyzmetiniń jetekshisi Gúlsara Muhtarqulova.
