Reseiden dándi daqyl tuqymyn ákelý problemasy sheshildi. Bul týraly QR Aýyl sharýashylyǵy ministri Erbol Qarashókeev aitty, dep habarlaidy QazAqparat.
«Buǵan deiin buqaralyq aqparat quraldary birneshe ret habarlaǵandai, Reseiden dándi daqyldardy jetkizý problemasy qalyptasqan. Munyń sebebi Resei tarapynyń daqyldardy eksporttaýǵa tyiym salýy bolǵan edi. Bul tuqymdar bizge sortty jańartý jáne sortty aýystyrý úshin qajet ekenin eskere otyryp, másele Premer-Ministrlerdiń orynbasarlary deńgeiinde kóterilip, nátijesinde Resei Federatsiiasynyń Úkimeti tuqymdardy áketýge tyiym salýdy alyp tastady», - dedi ministr ortalyq kommýnikatsiialar qyzmetindegi baspasóz máslihatynda.
Onyń atap ótýinshe, Resei tyiym salýdy tuqymǵa ruqsat berý tártibine aýystyrý týraly sheshim qabyldaǵan
«Qazirgi ýaqytta bizdiń aqparatymyz boiynsha ruqsat berý tártibi ázirlendi. Ol jaqyn arada bekitiledi. Sondyqtan Reseidpen ákeletinetin tuqym kólemi der ýaqytyndan, elimizdiń soltústik óńirlerinde kóktemgi dala jumystarynyń basyna deiin jetkiziledi», - dedi Erbol Qarashókeev.
