QR Aýyl sharýashylyǵy ministri Úkimet otyrysynda biylǵy egis jumystaryna tuqym ázirleý qalai uiymdastyrylyp jatqanyn baiandady, dep habarlaidy QazAqparat.
«Memleket basshysynyń 2022 jylǵy 16 naýryzdaǵy Qazaqstan halqyna Joldaýynda aitylǵan tapsyrmalardy oryndaý maqsatynda Aýyl sharýashylyǵy ministrligi mynadai sharalar qabyldaýda.
Egis naýqanyn ýaqtyly jáne sapaly júrgizý úshin ministrlikte kóktemgi dala jumystarynyń barlyq týyndaǵan problemalyq máselelerin jedel sheshýge kúsh salatyn Jedel shtab qurylyp, jumys isteýde», - dedi vedomstvo basshysy.
Sondai-aq, ol ministrlik óńirlermen birlesip aýyl sharýashylyǵy tehnikasynyń, tuqym men tyńaitqyshtardyń daiyndyǵyn qaita tekserýge kiriskenin atap ótti.
«Qazirgi tańda tehnika daiyndyǵy 95 paiyzdy qurasa, kóktemgi dala jumystary jappai júrgizile bastaǵan ýaqytqa 100 paiyzdy quramaq», - degen ministr fermerlerdi arzatylǵan janarmaimen qamtý máselesine toqtaldy.
«Óńirlerge arzandatylǵan dizel otyny jóneltile bastady. Jalpy kóktemgi dala jumystaryn júrgizýge naryqtyq baǵadan 12-15%-ǵa tómen baǵamen 400 myń tonna bólindi. Bul 2021 jylmen salystyrǵanda 20 myń tonnaǵa kóp. 2,3 mln tonna tuqym nemese jospardyń 100 paiyzy quiyldy.
Qazirgi ýaqytta importtyq tuqym materialyn jetkizý máselesi pysyqtalýda. Bular – Reseiden keletin 19,5 myń tonna júgeri, bidai, arpa jáne qara bidai tuqymy jáne Eýropadan jetkiziletin 80 tonna júgeri men qant qyzylshasynyń tuqymy», - dedi Erbol Qarashókeev.
