QR Aýyl sharýashylyǵy ministri Erbol Qarashókeev 2025 jylǵa qarai óndiris kólemi 100 paiyzǵa jetkiziletin azyq-túlik túrlerin atady, dep habarlaidy QazAqparat.
«Importty almastyrý jónindegi is-sharalarǵa keletin bolsaq, ishki naryqtaǵy azyq-túlik taýarlarynyń negizgi túrleri boiynsha otandyq óndiris esebinen qamtamasyz etilý 80 jáne odan da kóp paiyzdy quraidy», - dedi ministr búgin Úkimet otyrysynda.
Onyń atap ótýinshe, azyq-túlikpen qamtamasyz etý deńgeiin saqtaýdyń jáne arttyrýdyń mańyzdylyǵyn eskere otyryp, Qazaqstan Respýblikasynyń agroónerkásip keshenin damytý jónindegi 2021-2025 jyldarǵa arnalǵan ulttyq joba aiasynda azyq-túlik taýarlary óndirisiniń kólemin keminde 80 paiyzǵa, qus etin – 100, shujyq ónimderin – 100, irimshik jáne súzbeni – 100, almany – 100, balyqty – 100 jáne qantty 80 paiyzǵa arttyrý úshin investitsiialyq jobalardy iske asyrý bastaldy.
«Memleket basshysynyń barlyq tapsyrmalary boiynsha Aýyl sharýashylyǵy ministrligi olardyń ýaqytyly jáne sapaly oryndalýy úshin qajetti is-sharalardy qabyldaidy», - dedi Erbol Qarashókeev.
