QR Aýyl sharýashylyǵy ministri Erbol Qarashókeev úiiniń aýlasyna kirgen atty kólikpen qinaǵan turǵynnyń áreketin synady, dep habarlaidy QazAqparat.
Ortalyq kommýnikatsiialar qyzmetinde ótken brifingte jýrnalister ministr Erbol Qarashókeevten Almaty oblysyndaǵy shýly oqiǵa týraly pikirin surady.
«Árine, kez kelgen esi durys adam siiaqty biz de janýarlarǵa qatygezdik tanytqandardyń áreketin qatań synaimyz. Ol úi janýary bolsyn, meili aýyl sharýashylyǵy janýary bolsyn, buǵan basqasha qaraý múmkin emes. Basqa jaýap ta bolmaidy», - dedi Erbol Qarashókeev.
Eske salsaq, ótken aptada jylqyny kóligimen qasaqana basqan adam 10 kúnge qamalǵan bolatyn.
«Jylqyny kóligimen basqan turǵyn ákimshilik kodekstiń 434-baby (usaq buzaqylyq) boiynsha 10 kúnge qamaýǵa alyndy. Bul jazaǵa ol balaǵat sóz aitqany úshin tartyldy. Al ústinen qozǵalǵan qylmystyq is toqtatylǵan joq. Qozǵalǵan QR QK 316 bap (Janýarlarǵa qatygezdik jasaý) Qylmystyq kodekstiń 202-babyna (múlikke qasaqana zalal keltirý) aýystyryldy. Tergeý júrip jatyr»,- dep jazylǵan Almaty oblystyq politsiia departamentiniń baspasóz qyzmeti taratqan málimette.
