Qarashada jyldyq infliatsiia 7,1 paiyzdan 7,3 paiyzǵa artty. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy QazAqparat.
«Azyq-túlik infliatsiiasy baǵanyń jalpy ósýine eń kóp úles qosýda. Ósimdik maiy, qant sekildi jekelegen tamaq ónimderi naryqtaryndaǵy teńgerimsizdik kúsheiip, azyq-túlik taýarlary baǵasynyń jyldyq ósýi 10,7 paiyzdan 10,8 paiyzǵa deiin ulǵaidy», - dedi Erbolat Dosaev.
Ulttyq bank tóraǵasynyń aitýynsha, kiim baǵasynyń 4,7% ósýinen azyq-túlikke jatpaityn infliatsiia 5,6%-dan 5,7%-ǵa deiin údedi. TKSh retteletin qyzmeti, mádeniet jáne demalys salasyndaǵy qyzmet baǵasynyń ósýinen aqyly qyzmet infliatsiiasy 3,7%-dan 4,1%-ǵa deiin údedi.
Sonymen birge, E.Dosaevtyń aitýynsha, Qazaqstanda iskerlik belsendilik indeksi qarasha aiynda 48,8-den 49,4-ke deiin ósti. Bul qurylys kórsetkishiniń 52,5-ke deiin 4,9 tarmaqqa joǵarylaýymen bailanysty. Ónerkásip pen qyzmet kórsetý salasynda jaǵdai ózgergen joq, mundaǵy indekster 49,6 jáne 48,7-ni qurady.
