قاراشادا جىلدىق ينفلياتسييا 7,1 پايىزدان 7,3 پايىزعا ارتتى. بۇل تۋرالى بٷگٸن ٷكٸمەت وتىرىسىندا قر ۇلتتىق بانك تٶراعاسى ەربولات دوساەۆ ايتتى, دەپ حابارلايدى قازاقپارات.
«ازىق-تٷلٸك ينفلياتسيياسى باعانىڭ جالپى ٶسۋٸنە ەڭ كٶپ ٷلەس قوسۋدا. ٶسٸمدٸك مايى, قانت سەكٸلدٸ جەكەلەگەن تاماق ٶنٸمدەرٸ نارىقتارىنداعى تەڭگەرٸمسٸزدٸك كٷشەيٸپ, ازىق-تٷلٸك تاۋارلارى باعاسىنىڭ جىلدىق ٶسۋٸ 10,7 پايىزدان 10,8 پايىزعا دەيٸن ۇلعايدى», - دەدٸ ەربولات دوساەۆ.
ۇلتتىق بانك تٶراعاسىنىڭ ايتۋىنشا, كيٸم باعاسىنىڭ 4,7% ٶسۋٸنەن ازىق-تٷلٸككە جاتپايتىن ينفلياتسييا 5,6%-دان 5,7%-عا دەيٸن ٷدەدٸ. تكش رەتتەلەتٸن قىزمەتٸ, مەدەنيەت جەنە دەمالىس سالاسىنداعى قىزمەت باعاسىنىڭ ٶسۋٸنەن اقىلى قىزمەت ينفلياتسيياسى 3,7%-دان 4,1%-عا دەيٸن ٷدەدٸ.
سونىمەن بٸرگە, ە.دوساەۆتىڭ ايتۋىنشا, قازاقستاندا ٸسكەرلٸك بەلسەندٸلٸك يندەكسٸ قاراشا ايىندا 48,8-دەن 49,4-كە دەيٸن ٶستٸ. بۇل قۇرىلىس كٶرسەتكٸشٸنٸڭ 52,5-كە دەيٸن 4,9 تارماققا جوعارىلاۋىمەن بايلانىستى. ٶنەركەسٸپ پەن قىزمەت كٶرسەتۋ سالاسىندا جاعداي ٶزگەرگەن جوق, مۇنداعى يندەكستەر 49,6 جەنە 48,7-نٸ قۇرادى.
