Byltyr qarasha aiynda Qara Ertis ózeninde sýǵa batyp ketken 20 jastaǵy balyqshynyń denesi tabyldy, dep habarlaidy "Ult aqparat" Shyǵys Qazaqstan oblysynyń TJD baspasóz qyzmetine silteme jasap.
«Búgin 19 sáýirde Tarbaǵatai aýdany Zaisan kólinde Tuǵyl kentiniń turǵyndary sýǵa ketken 1990 jyly týǵan ekinshi balyqshynyń denesin taýyp, sýdan shyǵardy», delingen habarlamada.
ShQO Tótenshe jaǵdailar departamenti baspasóz qyzmetiniń málimetine súiensek, qaiǵyly oqiǵa 2020 jyldyń 20 qarasha aiynda bolǵan. Eki er adam balyq aýlaýǵa ketip úige oralmaǵan. Qutqarýshylar olardy 26 kún ishinde 6-9 metrge deiin tereńge 145 ret súńgip sý astynan izdedi. Izdeý jumysy 16,291 sharshy shaqyrymdai jerde júrigizildi, alaida nátije bolmady.
16 sáýirde oblystyq TJD Jedel-qutqarý jasaǵynyń qyzmetkerleri izdeý jumysyn qaita bastap, Qara Ertis ózenindegi Kendirlik ýchaskesi mańynda 40 jastaǵy sýǵa batyp ketken balyqshynyń denesin tapty. Qaiyqpen izdegender balyqshynyń óli denesin oqiǵa ornynan 30 shaqyrym jerden tapty.
