Almatyda Qarasazdaǵy Muqaǵali mýzeiiniń kóshpeli kórmesi ashyldy, dep habarlaidy "Ult aqparat" tanymal qalamger, aqyn Aqberen Elgezektiń feisbýktaǵy jazbasyna silteme jasap.
"Qurmetti almatylyqtar men qala qonaqtary! Alashtyń muzbalaq shaiyry Muqaǵali Maqataevtyń týǵanyna 90 jyl tolýyna orai, aqynnyń týǵan aýyly Qarasazdaǵy mýzeidiń kóshpeli kórmesi Almaty qalasynda ashyldy.
Bul kórmede sizderdiń nazarlaryńyzǵa M.Maqataevtyń tutynǵan jeke zattary, kitaptary, fotosýretteri t.b. qyzyqty eksponattar usynylyp otyr.
Mundai kórme aqynnyń ózi alshań basyp júrgen hám máńgilik mekenin tapqan Almatyda tuńǵysh ret uiymdastyrylyp otyrǵanyn aita ketkenimiz jón. Almaty qalasynyń mýzeiine asyǵyńyz, aǵaiyn!" - dep jazdy ol óz paraqshasynda.
