الماتىدا قاراسازداعى مۇقاعالي مۋزەيٸنٸڭ كٶشپەلٸ كٶرمەسٸ اشىلدى, دەپ حابارلايدى "ۇلت اقپارات" تانىمال قالامگەر, اقىن اقبەرەن ەلگەزەكتٸڭ فەيسبۋكتاعى جازباسىنا سٸلتەمە جاساپ.
"قۇرمەتتٸ الماتىلىقتار مەن قالا قوناقتارى! الاشتىڭ مۇزبالاق شايىرى مۇقاعالي ماقاتاەۆتىڭ تۋعانىنا 90 جىل تولۋىنا وراي, اقىننىڭ تۋعان اۋىلى قاراسازداعى مۋزەيدٸڭ كٶشپەلٸ كٶرمەسٸ الماتى قالاسىندا اشىلدى.
بۇل كٶرمەدە سٸزدەردٸڭ نازارلارىڭىزعا م.ماقاتاەۆتىڭ تۇتىنعان جەكە زاتتارى, كٸتاپتارى, فوتوسۋرەتتەرٸ ت.ب. قىزىقتى ەكسپوناتتار ۇسىنىلىپ وتىر.
مۇنداي كٶرمە اقىننىڭ ٶزٸ الشاڭ باسىپ جٷرگەن ھەم مەڭگٸلٸك مەكەنٸن تاپقان الماتىدا تۇڭعىش رەت ۇيىمداستىرىلىپ وتىرعانىن ايتا كەتكەنٸمٸز جٶن. الماتى قالاسىنىڭ مۋزەيٸنە اسىعىڭىز, اعايىن!" - دەپ جازدى ول ٶز پاراقشاسىندا.
