Keshe Almaty qalasy Ǵ.Músirepov atyndaǵy Qazaq memlekettik akademiialyq balalar men jasóspirimder teatrynda aqyn, Qazaqstan Jazýshylar odaǵy tóraǵasynyń orynbasary Baqyt Bedelhannyń «9 gramm» intellektýaldy poetikalyq dramasynyń tusaýkeseri ótti, – dep habarlaidy «Ult aqparat».
Týyndynyń rejisseri Juldyzbek Jumatai jáne dybyspen kórkemdegen sazger Qanat Ibragimov.
Poetikalyq dramany Qarasai aýdanynyń «Qarasai jastary» teatry sahnalap, óner súier qaýymnyń ystyq yqylasyna bólendi. Táýelsizdigimizdiń tarihyna deiin «9 gramm» oqqa bailanǵan «Alash» arystarynyń rýhyna arnalǵan bul qoiylym, tyń týyndy retinde kórermen kóńilinen shyqty. Premerada Qazaqstannyń eńbek eri, Qazaqstan teatrlar assotsiatsiiasynyń prezidenti, kino jáne teatr akteri, professor Asanáli Áshimov «Qarasai jastary» teatryna sáttilik tilep, aq batasyn berdi.
Kesh sońynda «Qarasai aýdanynyń ishki saiasat, mádeniet, tilderdi damytý jáne sport bóliminiń» basshysy Kúljan Ádilhanqyzy Dúisenova, Ǵ.Músirepov atyndaǵy Qazaq memlekettik akademiialyq balalar men jasóspirimder teatry ujymyna jáne basshysyna «Qarasai Jastary» teatrynyń Respýblikalyq deńgeide óner kórsetip shyǵarmashylyq damýyna uiytqy bolǵany úshin aýdan ákiminiń alǵysyn jetkizdi. Sondai-aq jas urpaqty qasietti ónerge baýlyp, igi dástúrlerdi jalǵastyryp «Qarasai Jastary» teatryna qoldaý kórsetip júrgen aqyn Baqyt Bedelhanǵa jáne qoiylym kompozitory Qanat Ibragimovqa kórermen aldynda aýdan ákimi Jasulan Toqqojauly Estenovtiń alǵys haty tapsyryldy. Teatr zaly kórermenge lyq tolyp, qoiylym joǵary deńgeide ótti.
