«Qarapaiym zattar ekonomikasy» baǵdarlamasyna qosymsha 400 mlrd teńge bólinedi. Bul týraly búgin Úkimet otyrysynda QR Ulttyq ekonomika ministri Rýslan Dálenov aitty, dep habarlaidy "Ult aqparat".
«Biznestiń jol kartasy-2025» jáne «Qarapaiym zattar ekonomikasy» baǵdarlamalaryn sinhrondaý aiasynda kásipkerler úshin teńgelik qarjylandyrýǵa qoljetimdilikti kóterý kózdeledi. Birinshiden, nesielendirý 1 trln teńgege deiin, iaǵni 400 mlrd teńgege ulǵaiady», - dedi kásipkerlikti jáne otandyq óndiristi qoldaý sharalary jaiynda baiandaǵan ministr.
Onyń atap ótýinshe, qarajat eń aldymen importqa táýeldilikti tómendetý jáne azyq-túlik qaýipsizdigin qamtamasyz etý úshin otandyq ónim óndirýshilerge beriledi. «Biznestiń jol kartasy-2025» memlekettik baǵdarlamasy boiynsha nesielendirýdiń joǵarǵy shegi 7 mlrd teńgege deiin ulǵaiady. Aǵymdaǵy shyǵystardy jabý úshin biznestiń ainalym qarajatyn qarjylandyrýdy keńeitý usynylady.
«Nesieler boiynsha túpkilikti syiaqy mólsherlemesi biriktendiriledi jáne 6 paiyzdy quraidy. «Biznestiń jol kartasy-2025» baǵdarlamasynda salalyq shekteýler alynadyjáne «Qarapaiym zattar ekonomikasy» baǵdarlamasynda basym taýarlar tizbesi keńeitiledi«, - dedi Rýslan Dálenov.
