Foto: Valerii Býgaev
Memlekettik mekteptiń biýdjeti Nazarbaev ziiatkerlik mektebiniń biýdjetinen 3,7 ese az. 2022 jyly 21 ziiatkerlik mektepke 12,4 mlrd teńge bólinse, 7 550 memlekettik mektepke 1,2 trln teńge bólingen, dep habarlady Sputnik Qazaqstan agenttigi.
"Osylaisha 2022 jyly bir memlekettik mekteptiń biýdjeti 159 mln teńge boldy. Bul bir ziiatkerlik mekteptiń biýdjetinen 3,7 ese az (592,1 mln teńge)", - delingen ranking.kz málimetinde.
Memlekettik mektepterge bólinetin qarjy sapaly bilimmen qamtýǵa, orta bilim berýdi jańǵyrtýǵa jáne muǵalimderdiń biliktiligin arttyrýǵa jumsalady. Dei turǵanmen aýyldy jerlerdiń birazynda oqýshylar apattyq mektepterde bilim alyp júr.
Sondai-aq materialdyq-tehnikalyq baza jaǵynan aýyl jáne qala mektepteri arasyndaǵy aiyrmashylyq jer men kóktei. Qarjylandyrýdaǵy aiyrmashylyq, áleýmettik jáne kóshi-qon faktorlary aýyl mektepteri sanynyń azaiýyna ákep soǵyp jatyr: eger 2015 jyly aýyldaǵy mektep sany 5 546 bolsa, 2021 jyldyń sońyna qarai 5 262-ge azaiǵan.
Sonymen qatar 2020/2021 oqý jylynda 34 orta mektep apatty jaǵdaida ekeni belgili boldy. Olardyń barlyǵy - aýyldyq jerlerdegi bilim oshaqtary.
