Eldegi karantin talaptaryn saqtamaǵan mektepterge 67 mln teńgege jýyq aiyppul salyndy. Bul týraly QR Densaýlyq saqtaý ministrligi Sanitariialyq-epidemiologiialyq baqylaý komitetinen málim etti, dep habarlaidy "Ult aqparat".
«Respýblika boiynsha 2021 jyldyń 1 sáýiri men 12 mamyry aralyǵynda sanitarlyq erejeler talaptarynyń, karantin rejiminiń qanshalyqty saqtalatynyn baqylaý maqsatynda 2660 tekserý sharasy júrgizildi. Tekseris barysynda 502 mektepte talaptardy buzý oqiǵalary anyqtaldy (18,8%).
Mektepterde karantin rejimi talaptaryn buzýdyń negizgi jaǵdailaryna tańǵy súzginiń ótkizilmeýi, qyzmetkerlerdiń betperdeni taqpaýy, tiisti ara qashyqtyqtyń belgilenbeýi, ǵimarattarda ylǵaldy tazalaý jáne dezinfektsiialyq sharalaryn ótkizýdiń buzylýy, synyptarda partalardyń arasyndaǵy qashyqtyqtyń saqtalmaýy, bakteritsidtik shamdar, sanitaizerler men dezinfektsiialyq quraldar sanynyń jetkiliksizdigi, qoldanylǵan betperdelerdi jinaýǵa arnalǵan qutylardyń joqtyǵy jatady», - dedi ministrlikten.
Anyqtalǵan faktiler boiynsha QR ÁQK 425-baby 1-bóligi boiynsha 773 adamǵa aiyppul salyndy. Aiyppuldyń jalpy somasy 66 977 844 teńgeni quraidy. Munymen qosa, olqylyqtardy joiýǵa qatysty 688 uiǵarym shyǵaryldy. Olardyń 321-si (45,3%) oryndaldy (367 uiǵarymnyń merzimi ótken joq).
