ەلدەگٸ كارانتين تالاپتارىن ساقتاماعان مەكتەپتەرگە 67 ملن تەڭگەگە جۋىق ايىپپۇل سالىندى. بۇل تۋرالى قر دەنساۋلىق ساقتاۋ مينيسترلٸگٸ سانيتارييالىق-ەپيدەميولوگييالىق باقىلاۋ كوميتەتٸنەن مەلٸم ەتتٸ, دەپ حابارلايدى "ۇلت اقپارات".
«رەسپۋبليكا بويىنشا 2021 جىلدىڭ 1 سەۋٸرٸ مەن 12 مامىرى ارالىعىندا سانيتارلىق ەرەجەلەر تالاپتارىنىڭ, كارانتين رەجيمٸنٸڭ قانشالىقتى ساقتالاتىنىن باقىلاۋ ماقساتىندا 2660 تەكسەرۋ شاراسى جٷرگٸزٸلدٸ. تەكسەرٸس بارىسىندا 502 مەكتەپتە تالاپتاردى بۇزۋ وقيعالارى انىقتالدى (18,8%).
مەكتەپتەردە كارانتين رەجيمٸ تالاپتارىن بۇزۋدىڭ نەگٸزگٸ جاعدايلارىنا تاڭعى سٷزگٸنٸڭ ٶتكٸزٸلمەۋٸ, قىزمەتكەرلەردٸڭ بەتپەردەنٸ تاقپاۋى, تيٸستٸ ارا قاشىقتىقتىڭ بەلگٸلەنبەۋٸ, عيماراتتاردا ىلعالدى تازالاۋ جەنە دەزينفەكتسييالىق شارالارىن ٶتكٸزۋدٸڭ بۇزىلۋى, سىنىپتاردا پارتالاردىڭ اراسىنداعى قاشىقتىقتىڭ ساقتالماۋى, باكتەريتسيدتٸك شامدار, سانيتايزەرلەر مەن دەزينفەكتسييالىق قۇرالدار سانىنىڭ جەتكٸلٸكسٸزدٸگٸ, قولدانىلعان بەتپەردەلەردٸ جيناۋعا ارنالعان قۇتىلاردىڭ جوقتىعى جاتادى», - دەدٸ مينيسترلٸكتەن.
انىقتالعان فاكتٸلەر بويىنشا قر ەقك 425-بابى 1-بٶلٸگٸ بويىنشا 773 ادامعا ايىپپۇل سالىندى. ايىپپۇلدىڭ جالپى سوماسى 66 977 844 تەڭگەنٸ قۇرايدى. مۇنىمەن قوسا, ولقىلىقتاردى جويۋعا قاتىستى 688 ۇيعارىم شىعارىلدى. ولاردىڭ 321-سٸ (45,3%) ورىندالدى (367 ۇيعارىمنىڭ مەرزٸمٸ ٶتكەن جوق).
