Karantindegi Nur-Sultan men Almaty qalasyna kólikter men adamdar ákimdik tizimi boiynsha kirip-shyǵady. Bul týraly «Habar 24» telearnasynyń tikelei efirinen QR Aqparat jáne qoǵamdyq damý ministri Dáýren Abaev aitty, dep habarlaidy QazAqparat.
«Sergek» júiesin jasaýshy kompaniia politsiia departamentiniń planshetterine arnaiy mobildi qosymsha engizdi. Sol arqyly politsiia qyzmetkerleri blok-beketter arqyly kirip-shyqqan kólikter men adamdardy esepke alady», - dedi ministr.
Sondai-aq onyń atap ótýinshe, osy mobildi qosymsha kóliktiń nómiri men júrgizýshiniń ruqsat etilgen tizimde bar-joǵyn anyqtaýǵa múmkindik beredi.
«Bul tizimdi ákimdik jasaidy. Tizimde mysaly, qalaǵa azyq-túlik, dári ákeletin adamdar men kólikter kirgiziledi. Al tizimde joq azamattar blok-beket arqyly óte almaidy», - dedi Dáýren Abaev.
