QR IIM Ákimshilik politsiia komiteti Iývenaldy politsiia jáne áielderdi zorlyq-zombylyqtan qorǵaý basqarmasynyń basshysy Áset Ospanov karantin kezinde otbasynda janjal shyǵaratyndardy baqylaýdyń tásili týraly aitty, dep habarlaidy QazAqparat.
«Erekshe jaǵdailarda turmystyq zorlyq-zombylyqtyń profilaktikasy boiynsha qadaǵalaýdyń jańa tásilderin ázirledik. Tirkeýde turǵandar jáne quqyq buzýshylyqqa áýes adamdar qashyqtan, iaǵni áleýmettik messendjerlermen video bailanys arqyly tekserildi», - dedi ol Ortalyq kommýnikatsiialar qyzmetinde.
Onyń sózine qaraǵanda, bul tásil atalǵan adamdardy jedel baqylaýǵa múmkindik beredi. Sonymen qatar, turmystyq zorlyq-zombylyq faktileri jaiynda politsiia organdaryna jedel habar berý úshin arnaiy algortim daiyndaldy. Onymen dárihanalar men dúkenderdiń satýshylary, sondai-aq zorlyq-zombylyqqa tap bolýy múmkin jandar tanystyryldy.
«Nátijesinde, ózin-ózi oqshaýlaý kezeńinde otbasylyq-turmystyq qatynastar salasynda quqyqqa qaishy áreketter úshin ákimshilik jaýapkershilikke 8 myńnan astam quqyq buzýshylar tartyldy. Olardyń arasynda jartysyna jýyǵy ákimshilik qamaýǵa alyndy», - dedi Á. Ospanov.
