COVID-19 pandemiiasynyń taralýynan áielder qashyqtan jumys isteýge ǵana emes, úi sharýasyn atqaryp, balalar men qart ata-anasyna kútim jasaýǵa mindetteldi. Osyǵan bailanysty BUU er adamdy áielderge kómektesip, úi sharýasyn bólisýge shaqyrdy, dep habarlaidy "Ult aqparat".
«Oqshaýlaný kezinde kóptegen áielder qashyqtan nemese aýrýhanada, dúkende jumys istep, úi sharýasyn, kir jýý, tamaq ázirleý, balalar men qart ata-ana kútimin qatar alyp júrýge májbúr. Bul - áielder men qyzdardyń iyǵyna artylǵan jumystardyń bir bóligi ǵana. Sondyqtan, BUU erlerdi bul teńsizdikti toqtatýǵa shaqyrady», - delingen habarlamada.
Osyǵan bailanysty halyqaralyq uiym «HeForShe At Home» - «Erler úidegi áielderdiń quqyǵy úshin» naýqanyn bastap, balalardy, jas jigtterdi jáne erlerdi úi sharýasyn birlesip atqarýǵa shaqyrdy.
«Pandemiia saldarynan álem boiynsha milliondaǵan adam úide otyr. Dál osy jaǵdaida genderlik teńsizdik máselesi anyq kórindi. Qazirgi ýaqytta áielder aqy tólenbeitin úi tirligin erlerden úsh ese kóp atqaryp júr. Koronavirýspen kúreste de aldyńǵy shepte áielder tur. Densaýlyq saqtaý men áleýmettik qyzmet jumyskerleriniń 70 paiyzy - áielder», - dep habarlady uiym.
Sonymen birge, BUU erlerdiń óz tájiribesin bólisip, qandai úi sharýasyn atqaratynyn aityp berýin suraidy.
«Erler áleýmettik jelide óz tájiribesin aityp, ózgelerdi shabyttandyra alady. Ol úshin #HeForShe AtHome heshtegin paidalaný qajet», - deidi BUU.
